[هداج تيما]

الاخ عزام هذي القصيده
كامله وناقصه بويتات لا تصلح للنشر
حنا في العشر واندور الحسنات لكن
الملقف يحدون الواحد ويصدون
وانا فرد حمزه ثائر ثائر

تصريح 2006

هذا تصريح منّي سنة ستة والألفين=وتعلنه الأذاعه وتنشره الصحافه
نجوم الليل يالع بهـا جمـر البراكيـن=هذي ما هي روايـات كتّـاب الخرافـه
لا ضاق الصدّر يطلع علي وجهك براهين=وأنا مانيـب أحـب التطفّـل واللقافـه
لو أطلع في الأذاعه تصفّق لـي ملاييـن=بعـد مـات الخليفـه توّليـت الخلافـه
حـروف الأبجديّـه ثمانيـه وعشريـن=ملبسها الجواهر رهـاء مامـن كلافـه
مشربّها عيون السّحاب المـشرب الزيـن=ومكسيها الذّهب فوق كرسـيّ الرصافـه
علي ساس الحجر ما نسيّسها علي الطين=زحول الهجس ما تلحق الخاطر حسافـه
تطيع الفكر مثـل السرايـا والسلاطيـن=تهايق بي علي الجدي ويقـه ونصرافـه
وتدفـع للقوافـي وللهاجـوس تثميـن=سوات الصيرفي لا دخل سوق الصرافـه
وتقطف كل ما لاق من ورد البساتين=وتخرف من عذوق النخل في أوّل خرافه
منقيها من العايبـه والمنطـق الشيـن=وصح الله لساني علي الهاجـس وقافـه
وصيّه يا فكر من صميم القلب ثنتين=ومن عاداك عاده ومن وافاك وافه
وللبيـداء دلايـل وللصفحـه عناوييـن=وللمسلم صلاته علـي طـول المسافـه
نعبد الله ونمسح علي روس المساكيـن=ولا غيـر الله الواحـد الخالـق نخافـه
حدود الجد نجران ألي الجهراء ويبريـن=وفعل(ن)في الرضيمه كثير الناس شافـه
أخذنا ثـار عامـر وغيّرنـا الموازيـن=قبل عبدالله الفيصـل وصلـح العرافـه
لفينا من جنوب الجزيرة وأنتهي الدين=علي ورد اللهابه وميراد اللصافه
ونجدة يام وقت القسي والعسر واللين=بعدها ما نوينا علي الدار النكافه
ولو قمنا سلاطين وأن قمنا شياطين =نشيل أثقال صلفات الأضداد وخفافه
أذا عشنا سفاريـن وأن متنـا سفاريـن=ولدّنا مـا يـروم الميوعـه والسّخافـه
ظلال ولا تغيّر للأقصين وللأدنين=شهادة كل طيّب بهذي وعترافه
غضب حمر النواظر وطنخات القحاطين=وطنيات الطنايا وديوان الضيافه
ونخوات الدواسر وشيمات الشريفين=وجود سبيع والحر الأشقر من علافه
ومثل فزعة عتيبه وهقوات السراحين=وسبع أنعام كل القبايل وأنت تافه
علينا يشرهون المشاكيل المسمّين=ومثلك ما نعذره ولو كثّر حلافه
وللرّجال خشم وعيون وحلق وأيدين=وحنّا الله جعلنّا مرض للنذّل و آآآفه
تقول العلم بكره وأقـول العلـم ذالحيـن=علي وضح النقاء مـا تعودّنـا الحيافـه
بعد ما كـان بينـي وبينـك ود حرفيـن=أشوفك مثل ما أشـوف عمـال النظافـه
هذا علمي سمعته وفعلي شوفة العين=ولو تسكن قصور العليّا والصحافه
عسي ربّي يعز الملوك وينصر الدين=وأبو متعب علي المملكة ضافي لحافه