حنّا هل الوقفه من الطاش للطاش=ناقف الى بار العميل بعميله
حنّا عذاب القوم مسرى ومغباش=اهل القنا واهل السيوف الصقيله
علومنا ماهيب فى راس قرواش=وماهيب فى راس الخبل والحليله
إلى نوينا الشى ينّاش ينّاش=ناتى على قبّ المهار الاصيله
تاريخنا ماهوب فى طاش ما طاش=تاريخنا يمطر سوات المخيله
ما عندنا هافى ولا عندنا لاش=يكرم نبانا عن دروب الرذيله
والمهره اللى عرشها داخل الجاش=ما مثلها فى ناقضات الجديله
حنّا لها بافعالنا ستر وفراش=حن سترها من دون برقع وشيله
حنّا لها محزم ومدفع ورشاش=من الجنوب الين حد المسيله
يسلم راسك .. على ها الجزله
اكثر من رائع وقول وفعل
ولايهمك من حط راسه فى المرحاض الله يكرمك والمشاهدين..
واللى تهجم على الدين وعلى اهل العلم ماهى غريبه يتهجم على الرجال
( ولايغثك من الدبش الا خبيثه)
وحتى لو قيل ما يقصدونها المفروض يكون عندهم حس فنى ويبتعدون عن الشبهات
احترام لمن بستحق الاحترام
ولكن اجزم انهم افلسو اخلاقياً وفنياً ايضاً
مره اخرى سجل اعجابى بالرائعه
سوهاب