[عبدالله بن ذروه]

السلام عليكم ورحمة الله وبركاته.

تحيه طيبه وبعد:

اليوم سوف أكتب لكم القصائد التي سجن من أجلها
الشاعرين الكبيرين ضيدان بن قضعان العرجاني وسلطان بن وسام الهاجري

وكل ما حدث بينهم من مساجلات شعريه
وقصيدة محمد الحارثي وبندر الودعاني







أولاً قصيدة الشاعر سلطان بن وسام والتي كانت موجهه لضيدان عندما سافر لدولة الأمارات :
.
.
.
بالله يـأهـل دبــي ولا هــل الـعـيـن
مـن قـال تبشـر بـه عطيتـه بـشـاره
قرناس عشـر سنيـن وأربـع وعشري
ـنالله وش فيـه مــن الـوفـا والقـشـاره
وأن قـام يـدرج عينـه يسـار ويمـيـن
مثـل الخفيـر الــي مـداقـش خـفـاره
يـا شيـب عينـي لا كفـخ بالجناحـيـن
أسبـق مـن طيـار الآباتـشـي طـيـاره
مـا هاجـر الا بيـن خـظـر البساتـيـن
فـي ضيافـة الـي مـا يحسـب الخسـاره
يخـلـي مراحـيـن ويمـلـى مراحـيـن
بيمنـى مـن صـدوف الليالـي مـجـاره
يمنـى الكريـم مبـدل العـسـر باللـيـن
نـعـم نـعـم فــزاع نـمـر النـمـاره
أشهـر أبـراج الـعـام الأول وذالحـيـن
برجيـن بـرج أيفـل وبــرج التـجـاره
وضيـدان يكـرم فـي ضيافـة كريمـيـن
كـنـه مــن آل مكـتـوم والــدار داره
فندق جميرا بيتـش وماليـة حمـر عيـن
مـن مـر منهـم قـام يمـسـح جــداره
واليـوم يـا ضيـدان وينـك وأنـا ويـن
خليتـنـي مابـيـن تـــاره وتـــاره
أشيـل مـا شالـت ظـهـور البعـاريـن
وأصــد غــاره وآتـصـدى لـغــاره
.
.
.
وهـــذه القـصـيـده الـتــي رد بـهــا ضــيــدان عــلــى سـلـطــان :
.
.
.
البارحـه فـي الـدور واحـد وخمسـيـن
شبيـت مــن راس الفتـيـل الـزقـاره
وكنيتـهـا لـيـن أمتـلـن الشـرايـيـن
لعلـهـا تطـفـي لـهـيـب الـحــراره
ولفتهـا والدمـع فـي محـجـر العـيـن
والدمـع ماسـال لكنـه رهيـن الأشــاره
أقـرأ وأعيـد الـخـط مــره وثنتـيـن
وأقـول مـن صــدرً تحـطـم عـبـاره
لبيـه يـا سلطـان لـو نــازح البـيـن
يــزوي سـرابـه ويتـركـز غـبــاره
غربـة حادينـي مـن الفـقـر والـديـن
ماحـد أبــو عــرام يجـلـب قـشـاره
ونصيـت ربـي ثـم نصيـت السلاطـيـن
الـلـي تحـفـظ لـكـل رجــل وقــاره
ومـن فضـل رب البيـت مابيـن عديـن
بيـن أحمـد وحمـدان والعـلـم ســاره
فـي فلـةً فـي دبـي ملـكـي ودوريــن
تعـلـم الـبـدوان فـــن الـحـضـاره
قدامـهـا لنـكـن وكـدلـك ورنـجـيـن
وفي البـر عزبـة وفـي المدينـه عمـاره
وأن طعتنـي روح علـي ياأحمـر العـيـن
بشـت الغـنـاة ولا بـشـوت الأمــاره
ومن لاعشق لـه وحـدة مـن هـل العيـن
عــز الله أن بـاقـي حيـاتـه خـسـاره
.
.
.
وهـذه قصـيـدة محـمـد الحـارثـي الـتـي يهـجـو فيـهـا ضـيـدان وسلـطـان :
.
.
.
في عامنـا الخامـس بعـد عـام الألفيـن
كـم هاجسـن حـامـي جيـنـي زيــاره
اليـا أحتمـى الهاجـس وجينـا محاميـن
مثـل الزنـاد الــي تـقـادح شــراره
كـلام أبـن وســام مابـيـن قوسـيـن
زود مـرارتــه القـديـمـه مـــراره
وكـلام مسلـط شيـخ كــل الجمالـيـن
كلـه بيـاض وفـيـه رمـسـه سـمـاره
يـا أثنيـن يالـي بالقصـيـد متواصـيـن
شـطـار لـكـن غيـركـم بالـشـطـاره
شاطـر شطيـر الحـد مـا ينتهـي لـيـن
يديركـم بـيـن الفـلـك فــي مــداره
ميـر أسمعوهـا زبـده الهـرج يأثنـيـن
يـا أصحابنـا الـي تعشـقـون الأثــاره
نعميـن يأهـل دبـي والعـيـن نعمـيـن
يـا أهـل المقـر الـي يــذري جــداره
بأفعالـكـم كــل الخـلايـق مـقـريـن
ولا ينجحـد طـيـب النشـامـا وكــاره
الـي كتـب فيكـم مـن الـمـدح بيتـيـن
مدحـه تجـاوز وأختلـف عـن مـسـاره
مـن ويـن يـا ضيـدان وموجهـن ويـن
عفـت الأمـاره راغبـن فــي التـجـاره
ترى الملـوك الـي علـى الخـف والقيـن
ثـارت علـى البيـداء بـعـز وجــداره
خلـو لـك خــدود ولغابـيـب وبطـيـن
يــا حـيـف يانـاسـي معـاريـف داره
يا مـا نصيـت قصورهـم تشكـي الديـن
وحـدن تعـذر لــك وجــاك اعـتـذاره
وسافـرت تشكـي فقـر يـا ساكـن بيـن
قــوم تـمـد ولا تحـسـب الخـسـاره
منهـم يـا أبـن قضعـان يكفيـك ثنتيـن
يـوم أن شخصـك يحسـبـون أعتـبـاره
قصـر علـى سطحـه علـم رايـة الديـن
وجـيـب شـعـار الداخلـيـة شـعــاره
وصفـت نفسـك عقـب رحلتـك للعـيـن
سـواة مـن بــذ الـعـرب بالخـطـاره
وأن كنت عايف من وطـن نجـد ذالحيـن
سلـم جــوازك لا وصـلـت السـفـاره
والمركـز الـي مـن ورى جـوده يميـن
لازم حكومـتـنـا تـعـجـل قــــراره
ويصـدر بعـد تعييـن ضيـدان تعيـيـن
لملـهـي تسـلـم خـتــوم الأمـــاره
ضيدان مـا دامـك علـى الـراس والعيـن
ثـــوب لبـسـتـه لا تـقـطـع زراره
ونرضيـك لـو تزعـل بحاشـي وشاتيـن
وأن طولـة بالحـيـل ددســن غـمـاره
.
.
.
وهذه قصيدة الشاعر بندر الودعاني وهي عباره عـن اعتـذار بأسـم ضيـدان وسلطـان :
.
.
.
واجهـت فـي وسـط الجزيـره ذلولـيـن
وحـده لأبـن وسـام ووحــده لـجـاره
محمـلـه عــذر الـرجـال العزيـزيـن
اللـي لهـم فـي ساحـة الـعـز غــاره
مرسولهـم سلطـان شـيـخ السلاطـيـن
الـي فـعـول الطـيـب دايــم شـعـاره
يمـنـاه أم الخـيـر والعـطـف واللـيـن
مــا نانفـسـت يمـنـاه الا يـســاره
والهـاجـري وضـيـدان أول وذالحـيـن
قصيـدهـم دايــم ثـقـيـل عـيــاره
وفـي ملوكنـا كـل الصحـف والدواويـن
تفخـر بهـم بيـن الـبـدو والحـضـاره
علـى العهـد باقـيـن باقـيـن باقـيـن
بـكـل مــا تعنـيـه هــذي العـبـاره
وأن كـان أخطـو مـا تخـل المـوازيـن
كـبـوة جــواد ولا تغـيـر مـســاره
ولا نيـب أقيـم مـن تـهـز الميـاديـن
اللـي لهـم فـي الشعـر بصمـه وشـاره
لكـن حادينـي عـلـى الـقـول بيتـيـن
من شخـص قـام يهـف فـوق الشـراره
ماهـوب داري لـكـن الـنـاس داريــن
أن كــل قـــوم ينـتـقـدم خـيــاره
وأن أعـرف ان الشعـر سيـف بحـديـن
وبعـض الشعـر يرجـع عمـاره دمــاره
هـذا وأنـا مـن صلـب جـد الوداعـيـن
الــي يـمـد الـجـار سـبـة جــداره
.
.
.
وهــذه الـرديـه بـيـن سلـطـان وضـيـدان عنـدمـا كـانـا فــي الـسـجـن :
.
.
.
ضـــــــــــــــــــــــيـــــــــــــــــــــــدا ن
.
.
.
مرحبا فـي حلـةً دونهـا عشريـن بـاب
المـراوح فوقـهـا والهـبـوب تفـرهـا
الحـرار الـي مواكيرهـا روس الـهـذاب
حولـة فـي نقرتـن مـا يقـارب حـرهـا
.
.
.
ســـــــــــــــلـــــــــــــــطــــــــــــــــا ن
.
.
.
البقـى يـا صاحبـي مـا وراه الا العـذاب
والجريـره حسبـي الله علـى مـن جرهـا
صاحبي ضيدان غرب ولا أدري ويش جـاب
يـوم حصـل خيرهـا مـا كفانـي شرهـا
.
.
.
ضـــــــــــــــــــــــيـــــــــــــــــــــــدا ن
.
.
.
مـا يبـرك للحمـول الثقـال الا الـركـاب
أحتمـل وجـنـود الأســلام لله درهــا
وأن سرى ثلثين ليلك ونجم الجـدي غـاب
سل عيوني ليـه حلـو الكـرى مـا مرهـا
.
.
.
ســـــــــــــــلـــــــــــــــطــــــــــــــــا ن
.
.
.
الفخـر والعـز بيـن الثريـا والسـحـاب
والمطر لو مـا يضـر الديـر مـا سرهـا
ميـر قلـي وش فـرق المشالـح والثيـاب
أن سبحـت ببحرهـا أو مشيـت ببـرهـا
.
.
.
ضـــــــــــــــــــــــيـــــــــــــــــــــــدا ن
.
.
.
فرقها فرق أزرق الجم عن ضوح السـراب
السـراب يـوهـق الضامـيـة ويغـرهـا
البلا من شعلتن مـا حسبـت لهـا حسـاب
واحـدن منـا قدحهـا والآخــر كـرهـا
.
.
.
ســـــــــــــــلـــــــــــــــطــــــــــــــــا ن
.
.
.
ما بقى في حوض الأجرب لا طعام ولا شراب
والجنوب مـن الجـرب كـل ليـل يعرهـا
لا تعاتبنـي عليهـا خـطـا ولا صــواب
فـي ذرى روس مطـار الهـوى مغترهـا
.
.
.
ضـــــــــــــــــــــــيـــــــــــــــــــــــدا ن
.
.
.
كلبينـا لقمـة بيـن ضـرس وبيـن نـاب
ميـر يـا سلطـان دك الركـاب وسـرهـا
وأضرب أم جلال بالهرش يا مـال الذهـاب
لقحـة أم جـلال ولا الجمـل مـا ضـرهـا
.
.
.
وهذه قصيدة سلطان التي يعتذر فيها للأمير سلطـان بـن عبـد العزيـز ويطلـب عفـوه :
.
.
.
الله ولا بـعـض السـوالـف والـعـلـوم
تحـمـل الـرجــال مـــلا يـقــدره
مـا مـن وراهـا الا المشاكـل والهـمـوم
ياعنـك مــا فيـهـا مــن الله خـيـره
عسا غضـب خطـلان الأيـدي مـا يـدوم
وعـسـا عـمـار الطيبـيـن مـعـمـره
يـا سيـدي سلـطـان قومـنـي وأقــوم
وأرجـو مـن الله ثـم مـنـك المـعـذره
وأنـا عـن الـزلات مانـيـب معـصـوم
والعفـو يـا كحـيـلان عـنـد المـقـدره
أنـا حفـيـد الــي يـسـدون الـلـزوم
يـوم أنـهـا كــان عـبـوس وغـبـره
والبيـرق الخفـاق مـن بيـن الـرجـوم
وحـدب السيـوف مــورده ومـصـدره
بقيـادة الـي وحــد الـدولـة عـمـوم
شـق الطـريـق ووحــد الله ونـصـره
عبـد العزيـز الـي اليـا شـن الهـجـوم
مـن صـف عدوانـه تضيـق المقـبـره
اليا صفق لـه خشـم مـن بيـن الخشـوم
مـن قـوة الصفقـه يطيـحـن عـشـره
واصـل علـى خـوض المعـارك بالعـزوم
وتقطعـت عـوص النجايـب فـي ثــره
ليـن العلـم رفـرف علـى روس الرجـوم
فـي ضــل حــدب بالـدمـي معـطـره
وحنـا مـا غيرنـا العـوايـد والسـلـوم
الـي خلـق فينـا الـولاء مــا غـيـره
معنـا الـولاء يـزداد يـوم بـعـد يــوم
فـي صدورنـا حتـى ولـو مـا نقصـره
وحكـي الرخـوم الـي تروجـه الـرخـوم
والله مـا غيـر فــي محبتـنـا شـعـره
يـا سيـدي وأن راحـت الأصحـاب قـوم
أحـد يسـنـد عـلـم وأحــدن حــدره
فأنـا دخيـل حمـاك يـا الأب الـرحـوم
لا تستمـع فينـا ولـد ولا رجـوى مــره
يـا مفـرج الكربـات يـا قـوي العـزوم
مـلاج لمـن ضامـه زمـانـه وعـسـره
أنـت الـذي عـن زلـة الجاهـل تشـوم
واليـا كسـرت العظـم مـحـدن جـبـره
محاسنـك غيـم مـاهـو مـثـل الغـيـوم
اليـا اصطفـق برقـه يسابـقـه مـطـره
غيثـن دومـه حـي يـا حــي الـقـدوم
يـروي الفيـاض الجـرد اليـا الله أومـره
ويا سيـدي محـدن مـن الطيـب محـروم
قلـت نـعـم عــن الـرجـال مــدوره
ولا أنت مثـل طويـق مـن بيـن الحـزوم
كلـن تـذرى فــي حـيـوده وشـجـره
تبـي الحقيقـه يـا عسـى عمـرك يـدوم
شعـر مـا يكتـب فيـك مـا فيـه ثمـره
.
.
.
وعـفــا عـنـهـم الأمــيــر سـلـطــان وتــــم الأفــــراج عـنـهــم
.
.
.
وهــذه قصـيـده الشـاعـر سلـطـان رداً عـلـى الشـاعـر محـمـد الـحـارثـي :
.
.
.
أضـرب علـى قوقـل وعطنـي علـومـه
مـالـك ومــال مجمعـيـن الـكـلامـي
واليـا غـدى لأسمـا الرياجيـل حـومـه
فالمعمـعـه مـثـل الـجـراد التهـامـي
أحـدن يبيـع رخيـص وأحـدن يسـومـه
تحصـل أسمـي مـع كـبـار الأسـامـي
بشعـر اليـا مــر الخـشـوم معـرومـه
يطيـح مـن عـوج الخشـوم العـرامـي
وقــل للمغـفـل لا يـواصـل هجـومـه
تـرى نضامـه يختلـف عـن نضـامـي
مـا بينـي وبينـه نـقـاش وخصـومـه
مخـاصـم الجـهـال عـيـب وحـرامـي
لـعـل جسـمـه يسـتـرنـه هـدومــه
ويجـوز عـن طـرد الهـوى والغـرامـي
شـعـره يغـذيـه الـتـرف والنعـومـه
أرهـف مـن النسمـه وريـش النعـامـي
وشعـري بحـر مـا كـل رجـل يعـومـه
أنشـد خلـف وأنشـد رشيـد الـزلامـي
قـل منهـو الـي مـا تثـنـى عـزومـه
اليـا أحتمـى الميقـاف والشعـر حـامـي
مثـل السحـاب الـي تــرادم غيـومـه
مـن يحتـمـي دوره عــداه المـلامـي
فـي موقـف مـحـدن يخـلـي لـزومـه
كـلـن تلـفـت للفـشـق والـحـزامـي
أحـدن تفاخـر بــه ربـوعـه وقـومـه
وأحـدن مـع الزحمـه عليـه السـلامـي
هــذي رسـالـه مبهـمـه ومختـومـه
مــع جـزيـل الشـكـر والاحـتـرامـي
.
.
.

الـمـوضــوع طــويــل ولــكــن أتـمـنــى أن يــكـــون مــشـــوق
أتـمــنــى أن اكـــــون قـــــد وفــقـــت فـــــي الأخـتــيــار
تـــــحـــــيـــــاتــــــي لــــلــــجــــمــــيـــــع
.