[gravity]

السلام عليكم ورحمة الله وبركاته

موضوع مميز ورائع يا وره شقا ..

بكلمج بكل صراحه وشفافيه بما اني معلمه وللمرحله الابتدائيه (رياضيات)واشوف بنفسي الواقع..

تصدقين اني احيانا انصدم من المدرسات اشلون قاسين مع البنات ؟ يجرحون البنات بكلمات قاسيه وابدااا ما يتعاملون معهم كأطفال !!


حتى بالدرجات تخيلي في معلمات تتعمد ما تساعد البنات وقت الاختبار (مثلا تقرا لها كلمات صعبه ) والسبب تقول هالبنت شيطانه او ما تسمع الكلام وحتى بعض المعلمات تتجاهل البنت اللي ما تعرف تقرأ او الكسلانه عشان ما يضيع عليها وقت الحصه !!!

شراح يصير لو خصصت الملعمه خمس دقايق تسولف مع الطالبات وتسألهم عن اخبارهم ومن اللي يدرسهم في البيت وتشوف ظروفهم ..



ولكن يوجد معلمات قمه في الاخلاااص والعطاء وتشعر بالمتعه وهي تتواصل مع الاطفال لدرجه ان الطالبات يتعلقون بها وتصبح قدوه حسنه لهم.

.
مره من المرات لاحظت ان طالبه عندي كثيره الحركه وشاطره بالصف الثالث الابتدائي لكن تفاجأت انها ساكته ووجها تعبان تركت الدرس شوي ورحت اسألها اشفيج ياماما ؟ اصدمتني تقوول ما كليت واحس بجوع وراسي يعورني ؟ قلت لها ليش ؟ قالت زحمه بالكفتيريا وطاحت افلووسي؟ توقعون اقدر اكمل شرح ؟ وربي ما تم الشرح إلا بعدما كلت هالبنت .. وهذا اللي المفروض يصير لو كل معلمه عاملت الطالبات على انهم عيالها او خواتها كان حنا بخير وعيالنا بخير ..

واتمنى من كل معلمه تشعر ان المهنه ثقيييييله على قلبها ان تتركها لغيرها وتكون اداريه (ابرك لها ولغيرها)

ملاحظه: مهنة التدريس من اصعب المهن فيها جهد نفسي وجسدي كبير(يعني اعذرو احيانا نفسية المعلم)


اسأل الله العظيم ان يوفق ويعين الجميع ..

أختك : السولعـــــيه