مساكم الله بالخير جميعا
اود ان اطرح بين اياديكم هذا الابيات
راجيا ان تحوز على ذائقتكم العاليه
واليكم ,,,,,,
يابنت انا قلبي من الحب خالي=مرتاح عن حب البنات الغنادير
من قبل شوفك داله القلب سالي=مالاعني جور الهوا حزة اعصير
لين اعترضتي ياعيون الغزالي=شفت البراد وشفت انا واهج الكير
شيٍ جذبني لك برا منه حالي=بين الحنايا ويتكافخ كما الطير
ماهي غريبه لو سرقتي خيالي=القلب ينبض بك وفي دمي اتسير
يابنت انا شاعر وصيدي جزالي=اتعب على العليا ماحسب المخاسير
من لابةٍ لاواجهونا الرجالي= إنفجهم لوهم جموع وطوابير
إنكانها فالمال يرخص حلالي=وإنكانها فالجاه بنخا المناعير
اما ارحميني عن عذاب الليالي=والاتعدي بين عوج المقادير
لاصار مالك في طلبنا مجالي=برتاح عن شوف البنات الغنادير
وســــــــــــــــــــــــــــــــــــــــلامتــكم
__________________
لا تقول تكفى كان تبغيني (ارتاح)=تكفى لها يومٍ صعيبٍ مجاله
من يومها برواح نعطيكم (ارواح)=واليوم بلا صوت ماله جماله
خيالة السمرا إذا المنتخي (صاح)=إنطيش من روسٍ تقادح شكاله
مــحــمــــد بــن بريــــــــــــــــــــمان