الى اخواني الاعزاء هذه قصيده طازجه وأبيات متواضعه اتمني ان تحوز على رضاكم ::
ياونتي ونت كثير البهاذيل = النوم ماله حس والجفن خالي
وإليا كسرت العين نوم المقاليل = والروح ماسومه على قرب غالي
مالي جدا ماغير شوف الغرابيل = وأسهر مع نجمن بعيدن شمالي
والعمر قفا والليالي المقايبل = ماأظنها تصفا وهو ماصفالي
نجمي بعيد ودمع عيني هماليل = فى صيهدن جالس وحيدن لحالي
طال الزمان وزاد فيني تعاليل = ياالله عليك إمعابلي وإتكالي
من واحدن صيده بليا محابيل = صاد القلوب برمش عينه خيالي
ريمن عليه من الوصايف معاديل = زاهي وخده مرقبن للهلالي
وله فوق متنه تقل شقرن عثاكيل = لاهزها ياكن فيها الجفالي
والخصر يشكي من ردوفن معازيل = من ثقلهن غادن لهن إجتوالي
وله مبسمن سحره يبل التهاليل = صفة لبن صافي وبالحيل حالي
وعليه قلبي غادين له معاويل = يصليه من نار الهوي كل صالي
بأحكي فعايلهم لجيلن ورا جيل = يمكن يرد الشوق وصل الحبالي
وسلامتكم يالغانمين ،،،،،،،، اخوكم / فهد بن ملحق الشلوي