اقتباس:
|
المشاركة الأصلية كتبت بواسطة ابو يزيد
السعدون علماني وهذا شي معروف عنده جنون العظمة ليس همه الا كرسي الرئاسة ثانيا انا لاامجد الخرافي ولا السعدون (فالمزهدة) كلهم كلامك عجيب وغريب تقول يسمونه !! عراب المجلس الوطني اذا كان هذا طعن !! فعليك الطعن اولا بمن علق الدستور !! وانشأ المجلس الوطني واظنك تعرف من هو الله يرحمه
اما قولك موقفه المخزي من طرد الشعب من المجلس اعتقد انك متأثر جدا بكلام السعدون وفريق (البرتقالة) اعتقد عندما يكون مجلس الامة ساحة للغناء والرقص فمن حق الرئيس تنفيذ اللائحة واخراج الجمهور وراينا امس العنجري الذي هدد الجمهور بطردهم هل العنجري غير وطني ؟؟ الخرافي وافق بالتصويت علي زيادة بدل الايجار حتي انه امتنع عن التصويت لترشيح المرأة اليس هو افضل من السعدون و من بعض المتلونيين !! فهذي مواقف جيدة ..
انا لا مع الخرافي ولا مع السعدون لكن ضد من يشكك بذمم النواب لان زعيمهم لم ينجح !!
|
الله يعطيك العافيه أبو يزيد
وأنا معك ياخوي ( هذا صوير وذاك عوير )
وإن السعدون ليبرالي علماني ونعرف توجهه ونعرف كيف كانوا يبونها خمس من خلال الرقص
والغناء اللي صار برا المجلس
وايضا الخرافي
حكومي درجة أولى ومصلحته فوق كل شيء وإن كنت لاأنكر له امتناعه للتصويت للمرأه
لأن هالشيء يحسب له
لكن ياخوي الاخوان متضايقين لأن في نظرهم أنه الآحسن
وفي ناس متضايقين لأنه أهون الشرين
وأنا سبقت أن قلت في موضوع أخر أن الآثنين مانبيهم
وأنا أقولك الناس تبي تستفسر ماهي توجهات نواب العجمان
ومن حقهم ياخوي الناس هي فوزت هالناس بالكراسي
من حقنا نعرف شنو راح يكون دورهم شنو توجهاتهم اتجاة قرارات كثيره
فلا تقول ياخوي هم حرين بقراراتهم لا حنا اللي اخترانهم واخترانهم
على أساس اللي قالوه بندواتهم أيام الانتخابات
المهم ياخوي اتنمى سعة الصدر من الجميع
والمو ضوع أخذ وعطى
فراشة الكويت