واقلبي اللي كن همه تعشاه
وخلاه من عقب السمينات خاوي
ذيب الهموم يدوج ويزود ممشاه
بين الحنايا يدًرج بالغناوي
طربان متمكن من القلب واعماه
كنه يقول القلب ماله امداوي
قلت آآآه واعزاااه ياقلب ويلاااه
خذاك ذيب الهم ياقلب شاوي
قد قالها قبلي رجال(ن) مسماه
هلي دموعش ياعيون الشقاوي
هلي دموعش دامها مابها ارواه
يوم الزمن قصر جميع الهقاوي
وزود(ن) على جور الزمن ينقل اخطاه
صبي(ن)تربى في ذرا الهم هاوي
يبي امناه وعيت النفس تعصاه
لكن زمان الويل لاشد كاوي
وعزي لمن حده زمانه على اقصاه
بأسباب هم(ن)باني(ن) له بناوي
يبكي الرجل لامن فقد ماتمناه
وانا بكيت اليوم لفقد العزاوي
انا مثل قصة غريب(ن) بدنياه
والهم مرجع واصبح اليوم راوي
وسلامتكم
حمود بن فطيس