السلام عليكم ورحمه الله وبركاته
هذي قصيده وأربها تحوز على رضاكم عقب البطا ..
أه من زول ٍ نطحني فيه ويلي = اشهد انه تل قلبي من مغـنـه
اشهد أنه روع اجموعي وخيلي = والحق الروعه بصيحه وافزعنه
يوم شفت الزين ابو طرف ٍ كحيلي = حارت اقدامي وفكري ضاع ضنه
خذت لي في ماقفي وقت ٍ قليلي = واستشك من كان حوله وابعدنه
ودبر المجمول وانا واقف واخيلي = مصتصيب القلب برموش ٍ رمنه
ما ارتوت عيني وانا قلبي عليلي = وانفرا صدري بهم ٍ مستكنه
قبل اشوفه مستريح ومستويلي = زادي ! والسهر عيوني يجهلنه
واختلف وضعي وصبحي صار ليلي = اسهره واجاوب الونه بونه
ارقب نجوم السما بيمت اسهيلي = يمكن انجوم السما لي يرسمنه
حيث وصفه ياجماعه مستحيلي = يعجب اللي ينظره مع صغر سنه
وان وصفته لاقصير ولاطويلي = ادعج ٍ والموت فعيونه يشنه
جعله السلال وين جا في سبيلي = والله انه سم حالي والله انه
ياشواريب التتن املو سبيلي = بشعل التنباك في صدري واكنه
يوم طال الليل والمغزا نبيلي = والاصايل ارخت احبال الاعنه
سقتها للي يعدل كل ميلي = والمراجل نجرها دايم يدنه
سقتها لابن جميل راع الجميلي = عون من ينصاه و يجلا الهم عنه
شاعر وواعي وفالمعنى جزيلي = يفتل ابيوت الشعر ويشوق فنه
يافهد يالقرم شف جسمي نحيلي = جسمي اللي منقرع اقراع شنه
والله اني من رحيل ٍ في رحيلي = غير قم والحق على اللي باقي منه
جاك مكتوبي واخذ زبدت صميلي = والله انه سم حالي والله انه
وسلامـــــــتــــــــكم