[مهرة الصمان]

المشاركة الأصلية كتبت بواسطة حمد المخيال

بمناسبة تخفيض البنزين في المملكه العربيه السعوديه وبأمر من الملك عبدالله بن عبدالعزيز أطال الله في عمره وأبقاه أقدم هذه القصيده المتواضعه وقد كتبتها اليوم 1/5/2006

(( عـــــــــــاش الملك ))

الله يطول عمر ابو متعب أمين = عبدالله اللي غامر الشعب خيره
حنا دعيناله أرجال ونساوين = حتي الطفل يدعي وطفله صغيره
عاش الملك للعز رمز وعناوين = في ظل حكمه ماعلينا قصيره
مشا رواتب للكبار المسنين = حتي الموظف زاد راتب وغيره
أمطرتنا بالخير يأبن الكريمين = يرحم رحوم(ن) لطفل والكبيره
جتنا تباشيرك بتخفيض بنزين = ومن فرحته الشايب ذبحلك بعيره
ياسيدي يابو الضعوف المساكين = ياراعي حلول الأمور الخطيره
ياسيدي غيرك يصر الملايين = شعبه أيتغدى بالجبن والفطيره
لاهي مع الدنيا ولعب الشياطين = يالله دخيلك مادري وش مصيره
همه علي الشاليه وزرع البساتين = والا مع المقناص وهدات طيره
ماهوب مثلك يوم درت البلادين = تبغي تعز الشعب وتزيد خيره
من يوم جيت الحكم وحنا عزيزين = بسمك وصلنا للدروب المنيره
لأمرك يابو متعب ترانا ملبين = لاشبت النيران وثارت ذخيره
حنا جنودك نعجبك فالميادين = ومن جارنا بالله حنا نجيره
لأوامر الله ولملكنا مطيعين = وعدونا نضربه مانستشيره
هذا السعودي نخلته بين سيفين = وكل أسعفه تسوالها ألف ديره

صح لسانك واعتلا شأنك قصيدة رائعه وتستحق التثبيت وين مشرفينا عنها


لاهنت وتقبل تحيااااتي