مساكم الله بكل خير ,
البرق لاح وللرعود اهتزازي=جعل الحيا يسقي دياري سيوله
يروي اديارن كل اهلها اعزازي=ويرهي على الصمان باقي احموله
ياليت ذاك اليوم ضايع جهازي=والا مقفل مأفتحت لي اقفوله
ولا سمعت اللي يثير ارتكازي=البل هجت واليدين امغلوله
عجل علينا بالفرج والنجازي=كل الجماعه انثنوا وارتكوله
ياسعود قرب شنطتي والجوازي=ترا على المرواح نفسي عجوله
وقرب لي الموتر جديد الطرازي=اللي على السرعات نفسه حفوله
خفيف نفس وبالطريق امتوازي=ولا يقدر الحاسد بعينه يطوله
الليل كله ساري ن بأحترازي=والصبح بالصمان ادور ذلوله
البارح بلبنان لبسي بلازي=واليوم عصبه ولاهب الضو حوله
جعل السحاب اللي به البرق لازي=يمطر على الصمان ساعة وصوله
ويفيض الشعبان وذيك المحازي=وتفرح به البدوان واللي احتروله
لا واهني من داج فيها وحازي=تباع ذوده والرفاقه عنـــــوله
وسلامتكم ,,,