الســـــلام عليكم
للجميــــــع تحياتي
مع الاعتذار لمحمد ابو زيد:>
البارحه دورت الافكار تدوير=وحسيَت لامن رحت في الجوف علّه
ومن بعد عبدالله زبون المخاسير=وش ينبغا بعمّان والشام كله
وان كان ياناصر نويت المشاوير= سلم عليه وبلغه ثم قله
سعد ترا من بعدكم يالمناعير = يحسب حساب الوقت دقه وجله
وان قاله الرحمن مع حزّة عصير = لاجر انا الطاروق لازان حله
واذكرك لامن شفت وسط السما إطير = طيارتن صوب اليهودي مغله
عليه من حظرة جنابك تصاوير = ولاّ انت ظلك يالعصيمي يظله
وان عودت للمرجله كنك الزير = لا واللّه الا سالم الزير خله
انته ترا ذكرك يهز الطوابير = وجبال مكّه والنجوم المطله
ناصر ابن علوش سماك يامير = وانشهد انه صادق وفي محله
والله يذكر ذيك الايام بالخير = والحمل غير شعيل منهو يشله
وسلامتكم
وللعلم عبدالله ابن عبدالرحمن العقيلي العصيمي طيار حربي كان معي في الاردن ورجع للكويت وهملني فيها 