((ذبــــــــحتني باالغنــــــــــــج
حبايبي رواد صدى المشــــــاعر
اليكم متواضعتي اتمنى اعجابكم
ولكم احلاورده مع الاعتذار لكم وللاداره
عن الغياب 0واخر مره
وايامكم حلوه00محبكم
برق الوســــــــــــــــــــــــــم
ياهيه ياللـي زهـاك الـدل منـي سـلام=تسليم روحي لروحك من صميم الضميـر
ذبحتني باالغنج والحقـت روحـي مـلام=خليتنـي لاتفـه العربـان كنـي غريـر
اليا نشدني كثير النـاس مااقـوى الكـلام=اسكت ولا اجاوب السايل ووضعي خطيـر
أسكت واعاني من الدمعه وحـر السقـام=ياكثر ماهلت العبره مـن أقصـى النظيـر
قتلتنـي باالعيـون وخدتـك والـوشـام=واللبه اللي تكاشف لمسهـا كـا الحريـر
ومبيسم(ن)يذبح العشـاق تحـت اللثـام=مع شفة(ن)كل زين البيض فيهـا خشيـر
والهرجه اللي تسل الـروح مثـل الهيـام=تضرب على أوتار قلبي باالكـلام المثيـر
ودعتك الله نهار السبـت مسـك الختـام=بااللحظه اللي تغانمهـا عشيـر وعشيـر
واقفيت عني وانا بقيـت مجمـع حطـام=تلفني ساعـة الفرقـاء ونسمـة عصيـر
الله يسامحـك جازيـت الغـلا والـغـرام=باالصده اللي دموع الطرف منهـا غزيـز
جاوبت صوت الحزين وصوت ورق الحمام=وافرك يدين الشقاء واصبر على اللي يصير