[سالم بن جخير]

المشاركة الأصلية كتبت بواسطة sohab

السلام عليكم

صديق الابداع

سالم بن جخير

حروف تشع بالرجوله والعلوم الطيبه

ما احوجنا اليوم لمثل هذا الحرف الراقى


والذى استطعت بقدراتك كمهندس شعر ان تبنى بيوت باشكال فنيه نادره

ستبقى فى محور الجذب لمن يعشق الحرف الراقى والمعنى الاطيب


تقبل شكرى .. واجمل تحيه

اخوك ... سوهاب

.

الولا لله ومن بعده ولانا= للرجال اللي لهم مذهب ومله

والرجا باللي له نوجه رجانا= الإلـه اللي يظللنا بظله

عَزّنا وارهى علينا واصطفانا= لين قمنا نعقد الحبل ونحله

ياقصيدي لازهمتك لاتوانا= وكل شيٍ زين لامن جا بحله

فز لامنه غشانا ماغشانا= والغزل خله ليامن قلت خله

ابغي راع النقد لامنه قرانا = يبصم بعشره علىصدر المجله

والله اني مانسجم ولااتهانا= كون لاشفت الوجيه المسفهله

والردي مانيب وياه انتدانا= اترفـّع عن مناهيجه ودله

ودعوة الطيب ليامنه دعانا = من غلاه وحشمته ناتي محله

مانشكك في غلاه وفي غلانا= بين عز وبين كيف وبين فله

ان تغيبنا حظر عنا نبانا= وان حظرنا كيفنا فنجال دله

وان حدانا الوقت ولا ماحدانا= ماخلقنا للهوان وللمذله

من عوايدنا مانطعن فخويانا= ندمح الزله ولا ناتي بزله

لابدا اللازم يكفـّينا حدانا = ويعتبر لابه ودوله مستقله

ولا بغت بنت الشرف تبحث خفانا = وقفت قدامنا والشعر هله

انفحي يابنت وانتي في ذرانا= واعتزي ويصيبنا خفه وخله

اعتزي فينا ونبطش في اعدانا= وسعد من حن فالملاقى عزوةٍ له

يوم جا مندوب راكان ونخانا= جاوا ربعي وابطشو ا في كل حله

لاح برق العز فالصلب وشعانا = وامطرت غر المزون المستهله

من قلاعتنا ومن طيب اعقدانا= لابغينا الشي لازم نستحله

اننا قومٌ اذا دارت رحانا= تطحن اللي ماانطحن دقه وجله

ماخلق منهو يلحـّقنا مدانا= رسخوها فالعقول وفالسجله

هاكذا فزعاتنا تسبق اخطانا= وكل يامي لازهمته جاك كله

sohab


لاهنت على مرورك وكلامك اللي يشرفني ويسعدني

ودعتك الله