تحيه كل الاعضاء الكرام
سفينة عشقي الكافــــــــــــــــــــــــــر
تصدق لاسمعـت أمـي تنـادي ألتفـت شفقـان
أجي كلي مـع شوقـي أحسـب أنـك تنادينـي
غلطت بصوتها أمي وعسي الله يقطع الشيطـان
جرحت أحساسها الدافي وأهي ترجي الرجا فيني
سفينة عشقي الكافـر خذتنـي لبعـد الأوطـان
بكيـت هنـاك يايـمـه وتمنيـتـك تظميـنـي
حسبت الموج يرقصلي وأثاري يلتوي غضبـان
حسبته جا يصافحني وعلي جرحـي يواسينـي
سمعت العشق ناداني وخذتنـي فزعـة البـدوان
وأنا من صغر سنـي علـي الفزعـه توصينـي
حظنت الشوق في قلبي رغم أنـي أنـا التعبـان
تملكنـي هـوا نفسـي وعلـي كيفـه يمشينـي
عشقته والعشم أنـه يراضينـي وأنـا زعـلان
حسبته صـادق ووافـي علـي نفسـه يبدينـي
كبر هالحب في روحي وعاش بداخلـي بركـان
أخاف يثور فـي أرضـي ويحرقلـي بساتينـي
مصيبه هالعشق يمـه يذلـل أشجـع الفرسـان
وأنا من عرض هالعالم تـري عشقـي يبكينـي
خضعت وجيت مستسلم ورافع رايتـي خسـران
وأنـا أدري وسـط أهاتـي يايمـه ماتخليـنـي
دخيلك جيت يايمه وتراني فـي رجـا الغفـران
أبـي أسجـد تحـت رجلـك يايمـه لاتردينـي
تري أسف أنا يمـه بعـد عمـري أنـا غلطـان
سرابي هاجس أشواقـي ولاأعـرف عناوينـي
وسلامتكم