تل قلبي تل مومية السفيفه=تلها المنجوب وأجهد في تلفها
في سموم القيض منوي باالنكيفه=هو شريدة سربة(ن)وأخر خلفها
باغين بدو(ن)منازلهم كليفه =باالديار المخليه منزل سلفها
مونسن له ضيم والديره مخيفه= واتعب القشرا ولاذاقت علفها
كنها قوس الربابه والكتيفه=من الرهق والخوف زود في صلفها
كن حالي مثلها مابه خليفه=من سبايب عشرة(ن) ماالله خلفها
عشرة اللي هرجته دايم لطيفه= بلسم جروح المعنى عن كلفها
معطب(ن) قلبي بنظرات(ن) خفيفه =نظرة اهل الحب للعاشق زلفها
عوي قلبي عوي ذيب(ن) باالحتيفه=بان صبحه والمواشي ماولفها
هيه يااللي زاهي(ن)عينك وليفه=خف من الله باالبشر لاتكتلفها
اخوي امل التكرم بان تصوت لواحده
حسب اعجابك ولك مني كل الشكر والعرفان00
اخوكم برق الوسم
(( الثانيه))
((ياشــــــــوق))
هاذي سنه وأنا اتحراك ياشوق=ياكثر ماواعدتني وأنتظرنا
بين الرجا والياس والبعد ماافوق=ارجي الليالي ماتضيع سهرنا
أصبر وأجامل وأترجا هل الشوق=يمكن تحن قلوبهم لنكسرنا
ياشوق تاخذني مع الطيف ماروق=ويغيب مع حلم الليالي قمرنا
ياما تمنيتك على كل مخلوق=وياما دموع العين لاجلك ذرفنا
حتى نشف من مقلة العين والموق=جفت دموع العين هذا قدرنا
ياشوق ماخليت للقلب معلوق=أكتب على خدك نهاية خبرنا
تحيات اخوكم برق الوسم