الى الأخوه الأعزاء مع التحيه
م
ماني مصدق عيونـي يـوم لاحظتـه=اشوف نور(ن) وخلف النور قومانـي
شفت الهوايل وجيتـه ليـن قربتـه=ياليتنـي كـان ماجيتـه ولاجـانـي
نحوه جذبني جمـال(ن) ماتصورتـه=الخد فيه الـورود اشكـال والوانـي
ونظرات نجل العيون القلـب ذوبتـه=والمبسم اللي كمـا خاتـم سليمانـي
الطول نايف وزود الطـول بارقبتـه=والخصر ناحل وعود الزين رويانـي
ونهوده اللي رهيف الثـوب شالعتـه=وشقر الذوايب نثرهن فوق الأمتانـي
تكهرب الجو عنـدي بعـد ماشفتـه=واصبح مكاني بثوبي واحد(ن) ثانـي
ومديت يمناي لـه والقلـب سلمتـه=من دون ماشعرعطيت اسمي وعنواني
صوب فؤادي وانا عـودت ماصبتـه=وقعدت اغني ياليلـي لال يـا دانـي
اثر الخبر لي حلـوم الليـل جالبتـه=نهضة من مرقدي وجل(ن) وشفقاني
الله لايعـود حلمـي اللـي تحلمـتـه=نقض جروحي وانا قد طابت اكوانـي
اليـا تذكـرت ماشـفـت وتأملـتـه=حاولت بالنوم لأجل المشهـد الثانـي