[أشهب الـلال]

السلام عليكم ورحمة الله وبركاته ...


وعليكم السلام ورحمة الله وبركاته

يامرحبا وأعداد ما اقبلت واقفيـت=ياغيث ربعك في الزمان الشحوحي
قريت اسمـك يالسنافـي وهليـت=من خاطرٍ صافي وقلبٍ نصوحـي
لا أبطيت منكم يا أهل الطيب مليت=جالس مع العالم وكني بروحي

أهلين يالغالي وأرحب وحيٌيت=عد المزون وعد برقٍ يلوحي

غالي تراك أن رحت وغالي ليا جيت=أقولها من جد ما هو مزوحي

أبطيت متعمد وغبت وتماديت=وأنت الذي تسمع لصوتي وتوحي

كتبتها بسرعه

وعساها تجمل





شلون الاسبـــــــــــــــوع وياااك ..؟؟

عال العال

عندي سؤالين وكل وسؤال فيهم عليه 10 درجات LooOooL



1- بما انك تعمل في السلك العسكري .. ما رأيك في دخول المرأه السلك العسكري كونها اقتحمت السلك السياسي عندنا بالكويت ..؟؟


على كذا ما راح يتقاعدون العسكر أبداً





2- سؤال مختلف شوي . بس حلووو
إهووو مجموعه قصايد ولمنو تهديها ok


يعني أحرااااااااااج




تكبر ويكبر لك غلا داخل الروح=ونبقى على ما قيل ربع وحبايب


العضو والأخ المُحترم

Al-Mekhyal




***

ماهي بسيطة يوصفك كل مخلـوق=وصفك كثير وكل شيٍ فيك خيااااالي
إنسان متواضع وطيـب و خلـوق=أفـرح إذا شفتـه يرتـاح بااااالـي
واذا تكلم كلمتـه فعـل منطـوق=تشهد له الافعال وهو حيل غااااااالي

الأخ القدير والغالي

الباشا



***

مدري علامي صرت ضايق ومليت=قعدت أفكر فـي زمانٍ مضالي
سالت دموعي فوق خدي وصديت=صدت حزيـنٍ غربلتـه الليالـي
لاشك آنا منساك مهما تناسيـت=ورقمك بدقه كل ما ضـاق بالـي

رقمك أشوفه يتصل بي مارديت!!=وأقول في نفسي أنا ما أبالي

لأني أنا الغالي إذارحت أو جيت=أن جيت ولا رحت ما زلت غالي

وسجلت رقمك في جهازي ودقيت=((قلبي رفض يطيع... أبقى لحالي))

أشهب الـلال




***








وجهك يذكرني بنكبات الأيـام=أدخل على الله لا تشوفك عيوني

الأخ الكريم

غيٌام


***

خل الجمال اللي بوجهك يسرك=لاصار قلبك من حلا الروح خالي

<<<<<<<<<< تورط




***

ما يطهرك المطر عشرين عام=ولا ينسينا الخطا حب الخشوم

البيت انا سمعته كذا:

ما ينسينا الخطأ حب الخشوم=ولا يطهرك المطر عشرين عام

***

من لا تحملني لاصـرت ضايـق=ماني بمحتاجه لاصـرت مرتـاح
كنت أحسبك غير كل الخلايـق=وأثرك مثل باقي البشر لا زعل راح

ما يشوف شر




***

ياشوق تكفه لا تخليه يرتـاح=يا شوق تكفه داعبه في غيابـي
خله يحس إني معه وين ماراح=خله يحس شلون لذه عذابـي
عطر الفراق اللي مع غيبته فاح=عطرت به جرحي وباقي ثيابي

ياسلام

بس ما فيه أحد أوجه له الأبيات


***



وأختم في هذي القصيدة اللي انطرها كااامله

تشوف رقمي يتصل فيك ماترد=قلبك حجر محدن يسوي سواته
لو ما تتصل الحين بقول من جد=كلام شاعرٍ جاك عايفٍ حياته
نذر علي لأروح واغيب وأصد=إما حياة الذيـب والا مماتـه

هذي في البدايه كانت فكرتها رسالة جوال

ولكن تطورت الى قصيده وأبشري إن شاء الله أعرضها كامله في أقرب وقت








وعسى ما طولتها عليك


يعطيك العافيه أختي القبله


وبالنسبه لقصيدة بحر الخبر أبشري عن قريب في صدى المشاعر إن شاء الله



تقبلي تحياتي

اخيكِ