[حمد بن سعد المسرع]

احبائي وهانحن نلتقي من جديد

ومثلما قال ابن جدلان : ان تجمعنا على العز والطاعه + وان تفرقنا فجوج الله وساعي

الله يجمعنا على العز والطاعه قولوا آمين

دائما احن للقديم واقلّب في اوراقي القديمه

اخترت لكم القصيده التاليه وهي في عهد الطاغيه صدام ومناسبتها ذلك الخطاب الشهير

الذي القاه ويخاطب فيه الشعب الكويتي ويحرّضه على حكومته وقد فاضت القريحه بهذه

القصيده :





خبروا صدام يعرض عن وطنّا - - - يترك علوم الردى ويصك بابه


لعنبو ذا النذل عز الله شغلنا - - - يومه إيحرّض ويعلن في خطابه


أشغل العالم بكذبه وامتحنا - - - لا متى والنذل يصفى له شرابه ؟


لو يطول الوقت مانخسر رهنا - - - نحقن سموم الردى في وسط نابه


وان بغينا الشر حنا ما جهلنا - - - فاهمين ٍ بالقرايه والكتابه


لا يحرّضنا على الديره واهلنا - - - كلنا شعب وجماعات وقرابه


هيه ياجاهل تركد عن زعلنا - - - قبل لا تمطر على راسك سحابه


الخطاب اللي تقوله ما فتنا - - - شيخنا جابر وجدّدنا الولا به


هرجة ٍ منّا تقال ولا تثنا - - - للوطن نبقى وندفن في ترابه


اسأل التاريخ يامجنون عنّا - - - اسأله تلقى الحقايق والإجابه


مجدنا عالي وفي الهامه إمبنا - - - يوم مجد {الرافدين} ابعد سرابه


من نوانا بسّو فينا ما تهنا - - - والله ان يبطي ونومه ما هنابه


زمرة ٍ عفنه على العالم تجنا - - - شلّة ٍ قذره وتسكن وسط غابه


خير ربي واجد وعطفه شملنا - - - ما علينا من تهاريج العصابه


نحمي تراب الوطن منّا ومنّا - - - قــافــلــتــنــا تسير لو تنبح كلابه


{ويالله اني طالبك تحمي وطنا } - - - { الدعا منّي ومنك الإستجابه }




وسامحونا على القصور