لا شانت الاخلاق ياقلب لا باس
سند على الايام وارجاك تصبر
ما قد رجيت بيوم شي من افلاس
وادري عزيز النفس مايوم يصغر
ليت الرفيق ان غاب يعذر رفيقه
ولا يلحقه بالشين لو كان جافي
ترى الحياة تروح مثل الدقيقه
اما ذكرت بخير ولا عوافي
احرص على درب النقاء والطهارة
فالآخره لامال ينفع ولا جاه
ودايم تذكر في حياتك عباره
الآدمي مكتوب له كل ماجاه
ما كل طيرٍ تعتزيه الصقاقير
ولا كل شارب تنتخيه الشوارب
متن الجبل ما حركته الاعاصير
وصدر البحر ما ضايقته القوارب
لا قامت الدنيا تعاكس مسارك
والحظ رابض والليالي معاسير
عيش الامل واصبر على ما جرالك
واعرف ترى كل المصايب مقادير
بعض المواقف تسوق الخط في سطره
ولولا الهبايب ترى الاعلام ما رفت
ناس لا غابت ذكرت السيرة العطره
وناس تساوت معي ان جات وان قفت
اعمارنا مثل الحطب في طرف نار
شي احترق واللي بقى ينطر الدور
وارزاقنا مثل السحايب والامطار
اللي مهو مقسوم ماهو بممطور