لفاني السهر
لفاني السهر يسحب اردونه على المعتاد
وقربت له مركى السوالف وحييته
تنصى العيون اللي غدت له مضيف اجواد
وتعشى الكرى اللي مبطي(ن)م تعشيته
يجيني لحاله في يده شنطتين سهاد حشى م اذكر انه جاب شئ تمنيته
حلالاه لو انه بحلو البشاير جاد
عن اللي الدقائق تنتظره وتباطيته
عن اللي وصاله وسمي وبارق ورعاد
عن اللي غيابه موحشات(ن) سباريته
عن اللي علي عانه الله علي وساد
على عرش عوج حطه الله عمد بيته
من اشواقي رواقه وادق الحنين اوتاد*
ولاشفت هجره يرخي الطنب مسيته
لو اني بصبر عنه ما تصبر البغداد
على الجمر تشره غرته لو تناسيته
الى انسل ليله من ورى ثغره الوقاد
تمرجح سنيني بين عله ويا ليته
عسى حب غصن(ن) حد طيره على المعواد
يجي به على درب امنياتي لا ناديته
حبيبي تعال منقي من عذوق الضاد
بواكير بوح(ن) تطربك كانك اوحيته
تقهوى الحديث اللي خذا من القصيد قناد
علامك تكرم وانت توك تقهويته
لو ان الغلا في صبته كان فاض وزاد
مثل يوم قلبي امتلى بك وصكيته
تقيدت بقياسه وشوقي طليق قياد
لكن طالبك لا لا تهزه لا مديته
ما دام السهر ما جابك ولا لفى برقاد
لا يزعل لا شفته عند بابي ومشيته