[عبرة وداع]

أيــامــنــا والـلـيــالــي كـــــــم نـعـاتـبــهــا
شبنـا وشـابـت وعفـنـا بـعـض الأحـوالـي

تــاعـــد مـواعــيــد والـجــاهــل مـكـذبـهــا
واللـي عـرف حـدهـا مــن همـهـا سـالـي

إن أقبـلـت يــوم مــا تـصـفـى مشـاربـهـا
تقفـي وتقـبـل ومــا دامــت عـلـى حـالـي

فــــي كـــــل يـــــوم تـوريــنــا عـجـايـبـهـا
واليـوم الأول تــراه احـسـن مــن التـالـي

أيــــام فـــــي غـلـبـهــا وايـــــام نـغـلـبـهـا
وايـــام فـيـهــا ســــوا والــدهــر مـيـالــي

جـربــت الأيـــام مـثـلــي مــــن يـجـربـهـا
تـجـريـب عــاقــل وذاق الــمــر والـحـالــي

نضـحـك مــع الـنــاس والـدنـيـا نلاعـبـهـا
نمشي مـع الفـي طـوع حيـث مـا مالـى

كـــم مـــن عـلــومٍ وكــــم آداب نكـسـبـهـا
والـشــعــر مـــــازون مـثــقــالٍ بـمـثـقـالـى

اعـرف حـروف الهجـاء بالـرمـز واكتبـهـا
عـاقـل ومجـنـون حــاوى كــل الاشكـالـى

لــكــن حــظــي ردي والــــروح مـتـعـبـهـا
مـا فادنـي حسـن تاديـبـي مــع أمثـالـي

إن جـيـت ابــي حـاجـةٍ عـــزت مطالـبـهـا**
العفـو مـا واحـدٍ فــي الـنـاس يــا والــى

قـــومٍ الــــى جـيـتـهـم رفــــت شـواربـهــا
بالضـحـك واقلوبـهـا فيـهـا الــردا كـالــى

وقــومٍ الـــى جيـتـهـا صـكــت حواجـبـهـا
وابد ت لي البغض في مقفـاي واقبالـي

مــــــا كـــنــــي إلا حـــــــال مـغـضـبــهــا
والـكــل فـــي عـشـرتـه مـاكــر ودجـالــي

يـا حيـف تخفـي أمــوراً كـنـت حاسبـهـا
والـلـي عـلـى بـالـهـم كـلــه عـلــى بـالــي

الـجــار جـافــي وكـــم قــــومٍ مـحـاربـهـا
والأهـــل وأصحـابـنـا والـــدون والـعـالـي

والـروح ويـش عذرهـا فـي تـرك واجبـهـا
راح الحسب والنسب في جمع الأموالي

نفسـي تبـى الـعـز والحـاجـات تغصبـهـا
تـرمــي بـهــا بــيــن أجــاويــد وانــذالــي

الـمــال يــحــي رجــــالاً لا حــيــاة ابــهــا
كالسيـل يحـي الهشـيـم الـدمـدم البـالـي

عـفــت الـمـنـازل وروحـــي يـــوم اجنـبـهـا
مـنـهـا غنـيـمـه وعـنـهـا الـبـعـد أولا لـــي

لا خيـر فـي ديـرةٍ يشـقـى العـزيـز ابـهـا
يمشـي مــع الـنـاس فــي هــمٍ وإذلالــي

دارٍ بــهــا الــخــوف دومٍ مــــا يـغـايـبـهـا
والجـوع فيهـا ومعـهـا بـعـض الاحـوالـي

جـوعــى سراحـيـنـهـا شـبـعــى ثعـالـبـهـا
الـكـلــب والــهــر يــقــدم كـــــل ريـبــالــي

عــز الفـتـى راس مـالــه مـــن مكاسـبـهـا
يــا مرتـضـي الـهـون لا عــزٍّ ولا مـالــي

دلـلـت بـالـروح لـيــن ارخـصــت جانـبـهـا
وانـــا عتـيـبـي عـريــب الـجــد والـخـالـي

قـــومٍ تـــدوس الافـاعــي مـــع عـقـاربـهـا
ولـهــا عـزايــم تـهــد الـشـامــخ الـعـالــي

خــــل الـمـنــازل وقـــــل لـلـبـيــن يـنـدبـهــا**
يـبـكـي علـيـهـا بـدمــع الـعـيــن هـطـالــي

لا تـعـمــر الــــدار والــقـــالات تـخـربـهــا
بيـع الــردي بالخـسـاره واشـتـر الغـالـي

مــا ضـاقـت الأرض وانـسـدت مذاهبـهـا
فـيــهــا الـســعــه والـمــراجــل والـتـفـتــالِ

دارٍ بـــــــــدار وجــــيـــــرانٍ نــقــاربـــهـــا
وارضٍ بـــــأرض وأطــــــلالٍ بــأطــلالــي

والـنـاس اجانـيـب لـيـن إنـــك تصاحـبـهـا
تـكــون مـنـهـم كـمــا قــالــوا بـالأمـثـالـي

الارض لله نــمــشــي فــــــي مـنـاكـبـهــا
والله قـــــــدر لــــنــــا أرزاق وآجــــالــــي

حـــــث الـمـطــايــا وشــرِّقــهــا وغــرِّبــهــا
واقـطــع بـهــا كـــل فـــجٍّ دارسٍ خــالــي

واطـعـن انـحـور الفيـافـي فــي ترايـبـهـا
وابعـد عـن الهـم تمسـي خـالـي البـالـي

مــــن كـــــل عـمـلـيــةٍ تـقــطــع بـراكـبـهــا**
فـــدافـــد الــبــيــد درهــــــامٍ وزرفـــالـــي

تـبـعــدك عــــن دار قــــومٍ ودار تـقـربـهـا**
واخــتـــر لـنـفـســك لـلـمـنــزال مـنــزالــي

لـــو مـــتّ فـــي ديـــرةٍ قـفــراً جـوانـبـهـا**
فيـهـا لـوطـى السـبـاع الغـبـس مدهـالـي

اخـيــر مـــن ديــــرةٍ يـجـفــاك صـاحـبـهـا
كـــم ذا الـجـفـا والتـجـافـي والـتـعـلالـي

دوس الـمـخـاطـر ولا تـخـشــى عـواقـبـهـا
الـمــوت واحــــد وبــعــد الــعــز يـجـلالــي

ان الــمــنــايــا إذا مــــــــدت مـخـالــبــهــا
تدركك لـو كنـت فـي جـو السمـا العالـي

مــا قــرت الاســد فــي عـالـي مراقـبـهـا
تسعـى علـى الـرزق مـا حنـت للاشبالـي

والشمـس فــي برجـهـا والغـيـم يحجبـهـا
تقفـي وتقبـل لهـا فـي العـرش مجـدالـى

رب السـمـاوات يـــا مـحـصـي كواكـبـهـا
يـا مجـري السفـن فـي لجـات الأهوالـي

ضـاقـت بـنـا الأرض واشتـبـت شبايبـهـا
والغيـث محـبـوس يــا معـبـود يــا والــي

يــــا الله مــــن مــزنــةٍ هــبــت هـبـايـبـهـا**
رعـادهـا بــات لــه فــي البـحـر زلـزالــي

ريـــح الـعـوالـي مـــن المـنـشـا تـجـاذبـها
جـذب الدلـى مـن جبـاء مطـويـة الجـالـي

ديـمــومــةٍ سـبــلــت وأرخـــــت ذوايـبــهــا**
وانـهــل مـنـهـا غــزيــر الــوبــل هـمـالــي

تسـقـي ديــاراً شـديـد الـوقــت حـاربـهـا
مـا عــاد فيـهـا لبـعـض الـنـاس منـزالـي

يـــا جـاهــل اســمــع تـمـاثـيـلاً مـرتـبـهـا**
فيـهـا مـعـانـي جـمـيـع الـقـيـل والـقـالـي

مــثــل المـحـابـيـب زادت فــــي قـوالـبـهــا
فـي صرفهـا زايـده عـن قـرش واريـالـي

يـــا ربـــي تــوبــه وروحــــي لا تـعـذبـهـا**
يــوم القيـامـه إذا مــا ضـاقــت اعـمـالـي

وازكــى صــلاةٍ عـلــى المـخـتـار نوهـبـهـا
شفيـعـنـا يـــوم حـشــرٍ فـيــه الأهــوالــي

صلى الله عليه وسلم
بديوي الوقداني الله يرحمه ويغفر له