نبقى لوايل لـو بغونـا لوايـل=تآتي سرايانا وتفـزع إمغيـره
كله لعين اللـي يقـود القبايـل=يآتي ويفرض طاوله مستديـره
بدو وحضر واصولنا من حمايل=طبع ٍ لنا خوة نشامـا وجيـره
صديقنا يبشـر بعـز وجمايـل=وعدونا يمسي يحاسب ظميـره
إشيوخنا تبشر بضرب الصمايل=ماعندنا بين الشـوارع مسيـره
واللي يخون وناوي ٍ له عمايـل=ماعندنا له كون درع الجزيـره
كل أبلج ٍ يقدر يسوي الهوايـل=بمدرعـات ٍ سوهـا بالذخيـره
وصقور جو ٍ صيدها كل عايـل=اهدافها تضرب ولو هي صغيره
ماحن إنـدوّر بمورانـا بدايـل=عز ٍ إلى بار الشوير بشويـره
واللي تنكّر للوطـن ويتحايـل=يصبر على حظه ويندب مصيره