وش فيك ياشوق العيون الحزينه
تبطي علي وانا عيوني تحراك
مغليك تايه جعل ربي يعينه
مافارقه رغم المشاغيل طرياك
القلب عقبك مبتليني حنينه
وياعزتي له كل ماحل ذكراك
بلاه لا حل المسا في المدينه
يضوي بوسط الصدر صورة محياك
اسمر مع طيفك وقلبي وونينه
لاتسمعه ماعاد عدت سواياك
مع ان مابه شي بينك وبينه
كذا بدون اسباب قفيت وش جاك؟؟
خليتني واللموت شفته بعينه
حسبي عليك اوجعت قلبي بفرقاك
سقت الجروح وباح قلبي كنينه
واسقيتني طعم القهر لا عدمناك
انشهد اني منك ذقت الغبينه
جعلك نطيح بواحد كنه اياك