يا جرح لو تاخذ لك أيام وتطيب=غيرك ،، جروحٍ ،، ما لقينا دواها
في بندقي طلقه،،وفي عارضي،، شيب=والعين ما تنثر على الخد ماها
إي والله أجامل،، وأجامل،، ولانيب=عجزان أبيّن ،، طيبها من رداها
لكن عن الساعي قصرت المكاتيب=من حشمة إعيوني لعين إخوياها
خوينّا نسقي ثيابه من الطيب=حتى يهفهف للنشاما شذاها
لو دنس ثيابه من الذل والعيب=غطاه طيب اللي ثيابه سقاها
وإمدوّر العذروب ينسى العذاريب=حتى لو انه شافها،، ما لقاها
يا هاجسي غبّر طوال الأشانيب=والسمن لا يسقي منابت لحاها
خوينا لا من عوا دونه الذيب=كن الضلوع إتجاوبه في إعواها
قم يا نديبي وإقطع الشك والريب=واخذ الحروف اللي ضميري بناها
للشاعر اللي يظهر أيام ويغيب=يتبّع محطات الفضا في فضاها
تلقاه بين المترفات الرعابيب=هذي يمالحها،، وهذي كلاها
قله،، بعد ما جاك صفق المشاعيب=عادك ،، تخايل بالنجوم وسماها
بالمختلف،، تلقى عبيد ومعازيب=هذا يترجمها،، وهذا قراها