[عُلُوْ]

_















عِشرة سنينٍ طويلة روّحت في ظرف ساعة
يا خسارة عِشرتي ضاعت معَ راعْ الرّديّة

ويشِ عذرك يوم ضيّعت الوصيّة و الوادعة
الله أكبر نفسك صارت لـ ظلمي جريّة !

باعِ ودّي يا أهل الفزعات و النَّاموس باعة
باعني مثل الرّدي اللي نوى بيعة خويّة

ما قويت أَقاوم دموعي و لا عِندي مناعة
لا صارت دموعي على خدّي مثل وبل الرزيّة

ويش أسوّي بالعشير اللي خذلني يا جماعة
ذلّني من عقب ما مدّيت له كفٍ نديّة !

إندفَعت و ليتني ردّيت قَلبي و إندفاعة
كان ما شفت المهونة و التّمادي و الخطيَّة

مثَّل الدّور الدّرامي و اجتهد فيه ابّراعة
أنتج الفيلم الخرافي و أعلن إسم المسرحيَّة

ضاق في عيني فضاها عقب كبره و إتّساعة
و إنكتب لي حزن ثاني قابل الحسنة بسيَّة

ما أشتكي لـ النَّاس لله راس مالي القناعة
أشتكي لله رب الكون خلّاق البريَّة

ما بقالي في حياتي غير صبري و الشّجاعة
أصبر لـ ما صار و عزومي بعون الله قويّة

_