البـارحه للهـــمّ في قلبـي اوســوم
قطّــع شرايينـــي ولا يلحــق مـلام
واستنجـدت عيني عسى نـوّن ردوم
يخفـي هماليـل الحـزن صـبّ الغمام
اليا انتصـف ليلي على ضـيّ النجوم
قمــت اتـفكــر فـالتـمانـي والظــلام
وجـه التشـابــه بينهــم واضـح ودوم
اشعـل سراجي بالدعى يجلى القتام
اثــر الـوفـا فـي وقــتـنـا مثـل الحلـوم
واثـر الصبـر فـي عرفنــا كـالانـهــزام
وليــه الجفـا فـقلوبنــا شـدّ العـــزوم
حتـى الجماعة تنتخــي فالانقسـام
وليـه الفتــى في شلتــه دايم خدوم
عـزّ الـرفـاقـه جـامعـن طبــع الكـرام
وليـا دعتــه الـوافيــه عنـها يشــوم
يقســى عليـها في فعـل ولا كــلام
وليــه العذارى ستــرنا بنـت القـروم
استبـدلن وضـح النّقا عشق وغــرام
من فسحـة العفّة الى ضيـق الهـدوم
ومن الحيــا حطّـت لهـا قطعــة لثــام
مشكــاي لك يامحزمـي ذرب العلـوم
رجـلن على درب العنـا فـك الخطـام
ياللي عشـق في همتـه روس الحزوم
شفت الشكالـة تطلبـك طول المقـام