تدوم المعرفه .. والحب ياسيد العـرب ..وتـدوم
وتبقى .. صفحةً بيـن الحنايـا العـوج مقريـه
خدين الروح ياعمري هلا.. بك يالقضاء المحتوم
هلابـك ياربيـع القلـب .. يانفحـات جـاويـه
هلابك ..يانسيماً علم النرجـس عـن اليشمـوم
وداعب زهرة الجوري .. وقال شويـه ..شويـه
أنا ..ياناس .. لامنـي ذكرتـه بالوفـا ملـزوم
أترجم له .. طلاسم حبـه.. الـيّ مسرفـاً فيـه
اله ..قصراً من العاج المزخرف ..بالذهب مرسوم
ورى حدب الضلوع.. الي بهـا تسعيـن ماريـه
تشوف أن الفخامه والحداثه والاصالـه .. تـوم
وتشوف .. أن الادب والعقل والاخلاق .. محميه
محياه الطفولي .. ياخذك مـن عالـم المفهـوم
الي عالم من المجهول .. والاجـوا.. الخرافيـه
رموشه ..ناعسه .. متناسقه .. متعانقه بسهـوم
على .. سود العيون الي .. تحتها خدود ورديـه
حضوره ..طاغياً ..متغلغلاً.. متمكناً .. محسـوم
يصاحـب طلعتـه ..ضجـه وروعـه كرنفاليـه
أخذ ملح العـرب كلـه وختمهـا بزيـن الـروم
على شوية.. دلع شامي ..على لمحـات شرقيـه
أقول... الله يخليه ...ويعيش لصاحبه ..ويـدوم
ويبقى ..صفحة بين الحنايا .. العـوج ..مقريـه