::
يجونك ناس والدنيا معاك ريال تسوى ريال
_________ واجيك ولا معاي الا ّ قصايد حب منثوره !
تقهويتك وله لوما تقهويتك بصفر دلال
_________ تهيلتك هواجيس وقصائد حب منثوره !!
اهيجن لك بطرقٍ غار من مسحوبه الموال
_________ حديت اغلى مغاتير الغرام وجتك منحوره !
تذكرت الجديل اللي تموّج كنّه الشلال
_________ وخد ٍّ يجهر البدر بسناه ويجرح غروره !!
وطهور الرمش يرسم له على الوجنه غطى وظلال
_________ واذا سلهم يجرِّحه النعاس وينقض طهوره !
حبيبي ما بقى للشعر شيٍ يوصف وينقال
_________ ليا أختال الحور بعيون مفضوحه ومستوره !
سحرني كلّ شيٍ فيك والسحر أغلبه قتال
_________ وتماديت وذنوب السحر في القرآن مذكوره !
.