سيد البشـر هاوينـي
هو يامر على عينـي
انـا ابغيـه ويبغينـي
ولا لي من البشر غيره
يعايشنـي باحـلامـي
يسير بفكري وايامـي
رشفت ببعـده آلامـي
لقيتـه بالوفـا جيـره
احبه واترك الهوجاس؟
ولا اسمع كلام الناس؟
اعبّر كلمتي باحساس؟
وخيال يزين تصويره؟
صراحه بي غرس حبه
ولا لي بالهوى سبّـه
جمعنـا ربـي وربـه
بيده الفلـك وتدويـره
احبـه صدقهـا باقـي
هديته بالغلا اشواقـي
مكانه داخـل احداقـي
بتبعه فـي مشاويـره
بغيت ابعـد وينسانـي
لقيت القلب يعصانـي
ولا لي بالغـلا ثانـي
وانا وياه فـي حيـره
دعـيـت الله وفقـنـا
حـسـود لايطالعـنـا
وفا الإخلاص غايتنـا
ويجمعنا علـى خيـره