اولا اشكرك علي الموضوع الرائع
وتعرفينا بلهجة اهل نجران
انعم واكرم فيهم
لكن يا اخي هناك في اغلاط فالموضوع
اتمنى انك تاخذها بصدر رحب
اولا كلمة طيب
ـ طيب ( يساله عن احواله اهي طيبه )
اعتقد ان كلمة طيب الكل يقولها سواء اهل نجران او البدو او الحضر فهذي معروفه بكل دول الخليج
ثانيا : ـ ماجور ( يدعي بان الله يجيره من كل سوء )
حتي هذي الكلمه الكل يقولها
لم اسمع ان اللهجه هذي لاهل نجران فقط
ثالثا : ـ الله يعافيك ( يرد عليه بالمثل )
ايضا الكل يقولها لما تنشد الشخص عن احواله يرد عليك ويقولك
بخير الله يعافيك
وذي انا اقولها :d
رابعا : ونعم ( أي ان نسبه نعم النسب )
ايضا هذي الكل يقولها لاتقتصر علي اهل نجران فقط
خامسا : ما عليك زود ( أي ما تقصر )
وهذي كل القبايل تقلوها والحضر ايضا وحتي العجم
سادسا : يخج ( يخوف )
كلمه ليست لاهل نجران فقط
فالشاعر فهيد بن عبدالله المجماج التميمي عاش فيه زمن الشاعر بن سبيل
وقال في بيت من بيوته
حبه يخج القلب ما يوجع أوجاع
لا شك قلبي مودعه بيت نملـه
سابعا : صه ( اسكت )
هذي الكلمه في اللغه العربيه منذ القدم ( ايام الجاهليه )
صه تعني اصمت بموضوع معين و صهُ تعني اصمت للابد
هذا الي شفته في موضوعك
اتمنى اني اكون ضيفه خفيفه : )
__________________
الله لحد ياما غزينا وجينا = ياما ركبنا حاميات المشاويح
ياما علي اكوارهن اعتلينا = ياما ركبنا عصيرٍ مراويح
ياما تعاطت بالهنادي يدينا = وياما تقاسمنا حلال المصاليح
وراك تزهد ياريش العين فينا = وتقول خيال القرى زين تصفيح
الطيب ماهو بس للضاعنينا = مقسمن بين الوجيه المفاليح
البدو واللي بالقرى نازلينا = كلن عطاه الله من هبت الريح
بداح العنقري