[عبرة وداع]

من غلبي اكتب بين صفحاتي اشعار
مضمونهـا ظلـمٍ وحـزن وكآبـه


صبرت لين الصبر ولّد بي النـار
سكت لين القلب همّـه غـدى بـه


وجيت بعزيمة جامحه كلّها اصرار
فيني ثقـه فينـي ركـود ورحابـه


اسوق شعري مثل قطرات الامطار
اقفي سحابه ثمّـن ارجـع سحابـه


بكتب رساله للـذي يطعـن العـار
يآصله علمي لجل يرجـع صوابـه


آنا عريبة جد من نسـل الاحـرار
ابوي شيخٍ مـا قفـل يـوم بابـه


ماهمّني الجاهل ولو صار ما صار
ولا همّنـي قولـه ولا حـدّ نابـه


ان كان حبره غير عن كلّ الاحبار
حبري عفافي يوم ربي حمـى بـه


هو يحسبنّي ماشيه درب الاخطـار
أو يحسبنّـي معجبـه فـي جنابـه


لا والله الاّ خاب ظنّـه والاعـذار
يموت في غيّه ودربٍ مشـى بـه


ان كان طيبي صار له ظلّ وستار
والله لابطّل طيب واشعـل حطابـه


اكبر عيوبي طيبتي بين الاشـرار
امشي على النيّه واعدّي الخطا بـه