الطيب طبع ولايجـي بالصناعـه
ولا كل من وده على الطيب سواه
لو طال عمره بالزمن ماستطاعه
عنده خلل في داخل القلب يحـداه
الطيب يعطى مع حليب الرضاعه
يربابه المولود في حـزة صبـاه
يبقى مع الرجال مثـل الوداعـه
أحدٍ يحفظ العهـد واحـدٍ تناسـاه
واللي حريصٍ منزلـه بالرفاعـه
عند العرب كـلٍ يعـده وينصـاه
يصبر على جور الحمل والمجاعه
مايترك النوماس لو جـاه ماجـاه
واللي يبيعه مثل بيـع البضاعـه
هذاك طيبه حسب تصريف دنيـاه
يومٍ شرى بالطيب يوميـن باعـه
من وين ماهب الهوى شال دعواه
الله وكبـر لـو تذيـع الاذاعـه
مايبلش الرجال في صوت الأفواه
كان انقطع حبلٍ يعـز انقطاعـه
وإلا وردنا عد راهي علـى مـاه