السماء تطير والشمس تمشي على اصابعها سؤال كم عدد اصابع الشمس ..!؟ مقدمه فاشله ماعليكم اعفسو الورقه وتحت الكرسي احذفوها لين تجي الخدامه تنضف الاوراق تحت الكرسي ( العرض مايشمل ذباحه سافرت خدامتهم ) طبعا حديثي الان ماراح يكوون ذو شجن لاسباب عده اهمها على الاطلاق انا على عشاي البارحه ويوم جينا نطلب عشا قلت: للي يطلب انا ميت من الحب عفوا من الجووع اطلب لي صمونتين قال : الا بطلب لك وجبه عن ثلاث المهم اسمها تربل او دربل كليتها قبل نص ساعه تقريبا وقبلها كنت ميت تقريبا لان كل شي فيني طافي ولاني كسول جدا جدا فعمليه التهضيم عندي ماتعتمد على المشي ولكن على الكتابه وتحريك العقل وبحكم ان هذي مدونتي الخاصه .. لي الحق في كتابت ما أشاء ولك الحق في وصفي كما تشاء لكن في قلبك طبعا وان كنت اتمنى ان يكون الوصف من سخيف ومافوق حتى تخف وطأ ما اهذري به عالم ادم عالم غريب << بدايه موفقه للهلوسه الفكريه يعود عصر سيدنا وابونا ادم لالف السنين طيب احد سال نفسه عوال ادم غير قابيل وهابيل منهم ..!؟ يعني الواحد لازم يجيب مصيبه عشان الناس تعرف اسمه طيب بنات ادم عماتكم طبعا منهم ..!؟ طيب اللي كانت تطبخ لهم منهي ولا دوريه كل يوم على وحده ياكثر ماقول كلمه طيب طيب بس تدروون احس انها احسن من كلمه المهم المهم المهم تحسسك بالجديه وفوق ذلك مستهلكه كل مايأخذون لقاء مع واحد من الشارع يسألونه عن اي قضيه تلقاه كل كلمتين يقول المهم المهم ناهيك عن كلمه الصراحه الصراحه اللي يقول الصراحه كل شوي تحس انك كذووب يومه بزر ودائم امه تقووله قل الصراحه ولبقت معه الكلمه طيب وش دخل اللي قلته قبل شوي في الموضوع انا اقولك ولاتهز راسك معي لان الاجابه ماراح تكون وافيه وشافيه طراه شافيه اسم شافي عندنا واجد يالعجمان ليه ماعندنا شافيه ابشركم الله جاب لي سالفه وموضووع عقب ماكتبت اللي فوق كله لذلك راح احتم عليكم تقروونه قبل ادخل في موضووعي يغثني اللي يدخل علي مسن يبي يسالك سؤال ويحط له مقدمات سلام ومواجر قبلها ساعه مايدري ان حنى في النت نتهرب من الواقع وبياخته وتقاليده الباليه شفيها لما تكتب سؤالك على طول على الاقل حتى لو خويك مشغول ماراح يلعنك في قلبه هذي نقطه لان نقاط الموضووع واجد يعني اعتبروها دربل الاول عنده سؤال يتعلق في النت شي برى المهم ممكن يكون له اهميه الغثيث الاخر اللي يقوولك ياولد ابي بيت شعر عن الفراق ولا الحزن ولا الحب وهو لو يكتب في قوقل ابيات شعر طلعت له الدنيا كله لا لا ليه يروح قوقل يدخل اركان المنتدى ولان السوالف تجيب السوالف طراه اركانكم وش هالمأساويه الي يعيشونها العالم كلها حزن وغم وهم ياجماعه حاولو تاخذون فاصل بين فتره وفتره تحطون نكته بالنص ابيات فكاهيه ترى اللي يحط نكت احسن انه يحبنا حيل لانه يهمه اسعادنا واضحاكنا بعكس اللي كله مأساه تحس انه يبي يعذبك معاه
__________________ أنـت