القوانين تم وضعها لتنظيم حياة الناس . . وجعلها اكثر راحه وترتيب . .
الالتزام فيها شي طيب . . ومخالفتها سماجه . .
لحد الآن حلوين . .
لكن فيه اوقات اذا التزمت فيها بالقانون تحس انك خبل !!
مثلا لو انك تبي تعبر الشارع . . وصرت ملتزم بالقانون ورحت للمكان المخصص لعبور المشاة . . والمكان المخصص هذا نفرض ان فيه اشارة ضوئيه . . اذا صارت خضرا اعبر واذا حمرا انتظر . .
احترام القوانين يعني انك ماتعبر الا في التوقيت المناسب . . واذا كانت الاشاره خضراء طبعا . .
لكن من الحيونه بعد انك تبي تعبر وقت الفجر مثلا والشارع اساسا فاضي مافيه احد نهائيا . . وانت بحلاتك تنتظر الاشاره تصير خضراء وتعبر !! 
هنا اعتبر الشخص هذا غبي . . وانه مثل البهايم يمشي على السَنَّه بفتح السين وتشديد النون . .
اتباع القوانين واجب . . لكن في بعض الاوقات تحتاج تشغيل عقلك وقياس الامور بديهيا مو كل شي تطبقه بحذافيره . . والا بتكون شخص اخرق !!