لعيونها قمت اعشق الوان الطبيعه والزهور
................. وقمت انتظر لحظة غروب الشمس واعشق لونها
الليل مع ضؤ القمر يضفي على قلبي سرور
............................. ضؤ القمر من خدها والليل غيم متونها
الله يعين العاشق اللي شايلٍ قلبٍ غيور
........................ لاشاف بعض الناس في كثر الحلا يطرونها
ياليتها تخفي جمال الوجه ماتمشي سفور
....................... واصير انا بس الوحيد اللي عرف مضمونها
مضمونها . كل الحلا . واللطف واحساس وشعور
............................... الله يسلمها ويحفضها لنا ويصونها
يانور . نور .النور. يطلبك القمر بالليل نور
........................... منهو يلوم القلب لو خلا البشر لعيونها
بالمختصر حبي لها ماعاد تحويه السطور
............. يعني على المعنى الصحيح قولو علي مجنونها