[أتـع ـبني عناكـ]

السلام عليكم ورحمة الله وبركاته

صباح \مساء الخير

[color="Black"]يقولون المحبه .. ويش وآقول المحبه طيــش
( هيام " ) .. ما يعرفه كثر منهو منه يعاني !!


بدونه .. ما تحس .. انك بوسط العالمين تعيش
وبه تقدر .. تعيش العمر كله وانت متغاني !!


تحس ان فيه حد يهتم .. تحس انك تطير بريش
كلام صدق من واقع .. مهوب فلان وفلاني !!


فتنتيني .. يا بنت الناس وقليبي تعلق فيش
وانا توي صغير " خايف لا يحب ويعاني


دخليـش COLOR] غطي عيون " هدايبها سرايا جيش
تراى ان مت من عينش .. اثامش وانتي الجاني


ابد حطيني في عينش وداريني وانا اداريش
واحطش بين .. مرباط الوريد وبين شــرياني


ما انا اتكلم ولا اعذرب .. واقدر لهجتش و اغليش
لو ان حكاش لي كله !! ( اكو شــمسه ) و ( انا كاني )


لكن لا وصلت الدعوى .. على ايش وما ادري ايش
انا اقول انتفاهم .. حتى يفهم كلنا .. الثاني !!

تقولين انت تنطق ( اش ) .. وأقول وزعلتي ليش !!
أنا مري .. والى سولفت هذي هرجة لساني


كذا يعجبـــش يا مرحب .. مهو يعجبــش .. وش لي فيـــش
ترى عيب " علي .. اني اجنب سلم جداني


إلى ابطيتي علي .. أسال وأقول اشتقت لش وابغيش
وآقول حكاي من جدي .. ما انا اتصنع ولا داني


اقلد حكي .. ما هو لي .. لا والله ما اقلد .. ليش !!
وانا افخر في .. خوالي كلهم .. و افخر بعماني


إذا غيري يغير لهجته !! عفوا " .. انا يا اخيش !!
اموت ولا اغير لهجتي .. دام الله احياني

راقت لي