[سعد الصميل]

الساعه ( 1.30) ظهراً بتوقيت الكويت . .

سرعة الرياح 29 كيلو . . نسبة الرطوبه 29 % . . .

الجو فيه غبار خفيف . . ومستوى الرؤيه . . 2 كلم . .

حالة البحر . . متوسط الموج . . من 1 الى 3 قدم . .


لحظه لحظه . . لا تقولون لي انكم مصختوها بعد وتبون درجة الحراره ؟

تتوقعون اقول 23 درجة مئويه مثلا ؟

اخاف اقولكم درجة الحراره وتحترق مشاعركم . . خلوها مستوره . . الله يحب الستر !!



تدرون وش الحلو بالسالفه ؟

ان على ذمة كونا : الصيف يبدأ الثلاثاء المقبل . . يعني الشوايه اللي كنا فيها صارلنا دهر . . كانت بروفه ومزحه خفيفه لفصل الصيف . .

بالعربي انصحكم استبدال المكيفات . . بـ طفايات الحريق . .

السنة هذي مولعه . . ولعتها الثورات وجاء صيفها ساخن جدا . .


تبون الدليل ان الجو لطيف عندنا . .

الشباب اللي يجتمعون كل جمعه في ساحة الارادة . . انصلخت جلودهم الله يعافيهم . .

وقرروا انهم يوقفون الاحتجاجات حتى تاريخ 6/9

الحر بالكويت يأجل حتى الاحتجاجات والمطالب . . يا سلام على هيك جو !!

بس تدرون بعد ؟ . . الحمدلله على كل حال . . حالنا افضل من العواصف الثلجيه والفياضانات والزلازل والبراكين . . الخ !!