[سعد الصميل]

هذي همهمه طازجه وحلوه . . حصلت لي اليوم . . يعني مو من الهمهمات اللي بالرصيد . .



اليوم عند الجمعيه نزلت على السريع بدون ما اقفل سيارتي . . . شريت على السريع ورجعت للسياره . .

وانا بالطريق للسياره شفت واحد من بعيد يتعبث بتلفونه . . وركب سيارتي . . وقفت اطالعه من بعيد وركب السياره ابو الشباب وانا مبتسم . . . !!!


جيت عنده وقلت ممكن توصلني ؟؟

شافني وانحرج حيل . . وقال : لا مؤاخذه ياطيب والله ماخذتش بالي . . قلت له حصل خير وعطيته ابتسامه . . وراح لسيارته . .

الصدمه . . . ان سيارته لونها كحلي ونوعها مرسيدس قديم !! وانا سيارتي لونها ابيض ونوعها كامري !!

رحت البيت وانا شاك في اخلاقه . . قعدت افكر . . قلت هذا شكله كان ناوي يسرق من السياره . . والا كان ناوي يتعبث . . . قعدت اقلب الافكار وماطلعت بحل !!

بس اللي تأكدت منه . . انه شخص مايستحي . . والشر كان احد نواياه . . لكن مادري وش كان ناوي بالضبط . .




الصدمه الثانيه والكبيره . . انه بعد صلاة العصر وبنفس اليوم !!!

شفت الشخص مره ثانيه بالقطعه . . .


وكان راكب سياره كامري بيضاء !!

نقدت على نفسي . . . وقلت الله يسامحني ظنيت بالرجال سوء وطلع فعلا مشبه . .