يامضحي بمستقبلك لاجل ماضيك = مستقبلك قدمك وماضيك فاتي
اللي مضى لا تنشغل فيه يلهيك = عما تجيب ايامك المقبلاتي
خسايرك في سالف الوقت تهديك = جملة دروس عن ظروف الحياتي
لو تطرد اللي فات ماعاد يمديك = تلحق بركب سنينك الماضياتي
ادفع طموحك قدم وابذل مساعيك = وكل احتمالات القدر وارداتي
ولا ترتجي حي يغيثك ويعطيك = الا العظيم مكون الكايناتي
توسل اللي لا توسلت يوحيك = واليا طلبته ياتي الخير ياتي
الله كريم ومدةٍ منه تغنيك = والا البشر ما من وراهم غناتي
للشاعر خليل بن هدلان