[العيطموس]

صحيح لو بقول شي اقول ولساني سليط
لكنّي ادرى بعض مشعربه تحت كم العباهـ




يخيط جرحي في الخفا ولاّ لعله ما يخيط
ان طابت جروحي عسى وان طوّلت ماقلت آهـ




كذا عرفت ان الحياة أيام والدنيا خليط
من المآسي ما يدوّن تحت اقلام الرواهـ




أقدّر الوجه الرضي واسمع عن الوجه السخيط
اللي لايذكر خير من دونه ولا يذكر وراهـ




واحيط في بعض الامور وبعضها والله ماحيط
حتى شويري في بعض الاحيان ما امشي في هواهـ




حتى الخطأ وهو الخطأ مهما حصل أمره بسيط
أما جفا ولاّ وفا واللي رحل الله معاهـ
................................. ا لله معاهـ
...................................... الله معاهـ




لعل مرواح الليالي الماضية روحة مقيط
ولعل مقبلة الليالي غير عن ماضي الحياهـ