سجـد قلبـي علـى رمـل الظلـوع وهـزه التنهيـد
وانـا فـي قلبـي خيـام النـدم والخـوف منصوبـه
يـارب أفهـق هلاكـي والمنايـا والــدروب بعـيـد
مــادام المـودمـانـي لـلـتـراب تـقــوده دروبـــه
يـا غيـاث الظوامـي والثـمـام وجـرهـدي البـيـد
أعذنـي مـن جهنـم والحشـر والمـوت وكروبـه
أنـا مـا نيـب لا مشـرك ولا فاسـق ولا عربـيـد
انـا اللـي عصـى وأخطـاء تجهـم وأقلقـه ثـوبـه
أنـا عبـدك ولـد عبـدك وجدانـي هــل التوحـيـد
خـطــاي أخجلـتـنـي يالله الـغـفــران والـتـوبــه
وأنا اللي يرتجف مثل ارتجاف الخايف الرعديد
اذا شــاف القـبـور الضيـقـات وحــس بذنـوبـه
انـا الانسـان حمـال النقـايـض والكـمـد والكـيـد
غريـق الطيـن واللـذات مــن راســه لعرقـوبـه
انا عبدك ياربـي وانـت تفعـل مـا تشـاء وتريـد
سـألـتـك يالله بـعـفـو عـظـيـم وهـيــن دروبـــه