بالله علمني ؟ وش أخبار دنياك=عساك بعدي مثل ما كنت خابر !
أشتقت لك وأشتقت أدوّرك وألقاك=يا من زماني بعد ما غبت غابر
يميّزك .. عن كل من كان حلياك=مريت عابر .. بس مارحت عابر
أستغفر الله وآه من يوم فرقاك=ما كني الا .. دافنك في المقابر
كم ضيقة ٍ .. يقودها سلك ذكراك=أكنّها في الصدر , وأضحك وآكابر
وانا كسير ! إذا يمين الله آرضاك=والله ما ابي غيرك من الناس جابر
عرفت غير ان أخر اقداري ! أنساك=أقسى عذاب : اللي على الشوق صابر