مساء الخير جميعا
لا صار صدري مزدحم بالمواجــع=وطعنات سيف الغدر هدت حناياي
قلّبت صفحـــات الأسى والمـراجـع=واحرقت صفحات الهنى في بقاياي
يكفي جـــروح الحــال فيني نواجـع=ويكفي شكوك الناس مقصد نواياي
ويكفي ظروف الوقت ثورة فواجـع=ويكفي شحيح المدّ ردّة عطـــــاياي
ايقضت يا وقت العنـا بالمضــاجـع=ثورة براكيــن الألــم في خفـــــاياي
والآه من حزني غدت طير ساجـع=من عقب ما كان الطرب في غناياي
ومبدا سهوم الطيش اضرب وآجـع=ودرعي قناعـــاتي ووقتي عـزاياي
واذا طرالي يكتفي جــاك راجـــع=حتّـى رحيــلي ما يكفـّر خطــــاياي
ودّي أغيــّر نظـــرتي للتّـراجــــع=بس الوقــايع ما تســـاعد هقـــــاياي
وسلامتكم،،،