ما يدور زله النّاس شخصْ فيه خير
غيرْ تاركْ صدر من غَاب صلاخْ ظهره
عَن عيوبَه كمْ دمحنا و غمّضنا كثيرْ
لو عيوبَه يمكنْ اكثَر كثيرْ من اشعرَه
ميرْ طيبٍ فَ الرّدي ريحْ مسكْ بريحْ كيرْ
مثلْ من يسقي جَذرْ شجرَه دونْ ثمَره
عاد قلّه يَ صديقَه خَلاص من الاخيرْ
صاحبك سلطانْ عايِشْ و لا طَقْ خبرَه
الكبير يعيشْ و يموتْ ب عيوني كبيرْ
و الصّغير الكبر لوْ نفخَه ما كبّره
تدري ان الحِكي ما هو على العَالمْ عسيرْ
و لو مَراجلنا الكلامْ ارجَل النّاس المرَه
و اسوا من الموت للآدمي موتْ الضّميرْ
و الضّمير المُستترْ يَفضح اللي يَسترَه
يَدعي انّه نيّته صَافيَه عبر الاثيرْ
و النوايا السّودْ دايمْ تكون مشفّره
بينهم ما انجَسْ من المستشير الا الشّوير
فكرهم في منطقَه مغلقَه و مدّوره
يحسدون اللي لبَسْ صوفْ وشلونْ الحرير ْ
يِلحقونْ المَعسرَه كيفْ عاد المَيسرَه ؟
غارةٍ في اعراضْ غيابْ مَجلسهم تغيرْ
الثّنا ما تذكرَه و الخزا ما تَستره
لو ابن آدمْ يِدرِكْ ان كِلْ شَيْ و لَهْ مصيرْ
ما عصا خوفٍ من الله قَبل يستغفرَه
كل قلبٍ بَ البشَرْ فيهْ شَرْ و فيهْ خيرْ
لكنْ الشّر اكثَرْ القَلبْ او الخيرْ اكثَره