اسمك اللي بقى غصّه بـ حلق الكلام
اسف ان عفتني وأسف لو اشتقتلك ،
للحنين الصور لـ احزان قلبي سلام
للي ضاقت بها / الدنيا و تتحملك
كل ما هبت الذكرى وطار الحمام !
آتنهد وأفك زراري وآحن لك .
انت لو مالك فـ قلبي الكبير احترام !
كان ما طاحت الدمعه و انا اتخيلك
وانت سخُرت لك عمري رضا واهتمام
كنت خايف عليك أكثر من الحاجة لك !!
وانت رتبت عذر فراقنا قبل عام !
وقتها ( ماتت أحلامي ) ولا قلتلك
رغم هذا الحزن فيني عليَ الحرام أذكرك ،
وأدعي : ياجعلي مـ أذوق زعلك
فات ما فات من جرح و عتاب وملام
ومدري أهملتني ؟ والقدر مـ امهلك
ودي اروح واتوسد يد آمي وانام
يالحبيبه ،وانا ميت قهر بسألك :
وش بقى للمشاعر ؟!وش بقى للكلام ؟!
وانت كرَهتني قربك وأنا بـ أوّلك
كان غيري معه ( شوق ، وحنين ، وغرام )
لو عطى ربع ما اعطيت ، يستاهلك