تباطيتك وأنا مالي على الفرقى صبـر وعـزوم
وانا سـود الليـال وجورهـا مابيحـت سـدي
صحيح ان البنادم في حياتـه ياخـذ المقسـوم
وانا ادري بك قسم غيري لو ان ماهوب من ودي
وانا مثلي تحير بيـن عـادات الهـوا واللـوم
على كل السبل سلم العرب دونك وقـف ضـدي
وانا لولا الحيا ياصاحبي كـان العلـوم علـوم
يشيع بها الخبر وتروح بيـن النـاس وتـردي
ولكن الفتى ياخذ مـن قسـوم الزمـان همـوم
وتكبر به ويصبح فـي زمـان الهـم متحـدي
وانا والله لو ظرف الزمان يزيد سعـر السـوم
أساوم وأرخصه وأشري غلاتك حاسـم وجـدي