كِنا سْوا .. نجمه .. فـ ليل المحبين
ولا نسمع .. إلا [ حظهم , والمدايح ]
إليّا ظوينا ليلهم ( يبكي البين )
ما نلتفت للي ورانا يصايح
إصغار .. لكن فالمحبه .. كبيرين
ونخاف من حكي البشر والفضايح
لا مرنا عاشق مع الدرب مسكين
نثني على حبه , ونعطي النصايح
ماندري إنّا كل أبونا ( مساكين )
ولا دريت .. إني عن الدرب شايح !
ولا دريت إن العنا مكسبي .. لين
شدّوا .. وخلوني على الدرب طايح
دار الزمن , وأقفى ورا البعد عامين
ولا مرني من دار الاحباب سايح
اتهزني ذكراه من حين .. لي حين
وليّا طرى صدري من الشوق فايح
من ضيقة الخاطر .. عَفا الله يا عين
للدمع .. برّاقٍ على الخد لايح
رايح فمان الله .. مدري على وين ...
بس الوكاد إني من الضيق .. رايح