ياصاحـبي واللي فـرض حـجة البيت
إن الـوفا لـه فـي ضمـيري دلايل
البارحـه هـانـت عـليه وشــبـيت
ضـوي وقـمـت أعـد كـم لك جمايل
لاخابـت الهـقـوات فـاللي تهقويت
ماتنـفـع الصـمـلات راع الصمايل
ياصاحـبي لا جـيت أبـنسـى وسـجيت
لقـيت لك فــي كـل عـــرق غلايل
ما أخـطـيت يـومني بصدقي تماديت
والصـدق تتعـب له بنات الحمايل
أنا ما ظـن إنـي لحـدي تـعــديت
ولا ظـنـتـي قـولـي بلـيا فعايل
اللي حـوالينك تـراهـم شــماميت
وقـدام عـينك يـدعــون الفضايل
أنا الوفا لـي في دروبه ترا صيت
وصـيتي تسـنوا به جميع القبايل
والبارحه ضاقـت بوجـهـي ومـلـيت
وقـمـت أتكاثـرهـا ولو هي قلايل
وأبعـتذر إن كان في حـقك أخطـيت
وإلا لحـقـني مـن وفـــايه خلايل
لكـن تـرا واللي فـرض حجة البيت
إن بضـمــيـري للمحــــبه دلايل