[عـآزمـي الـنـقـيـرهـ]

ياخالد أكتب والقصيده علـى إيـن
من شاعرن يتعب على حبكة البيت
صديت والدمعه تحت محجر العين
ويهب يالحاجـه حدتنـي وونّيـت
كثر الكلام وقولت أصبر وبعديـن
ماتروي الضامي ولاتحيي الميـت
وياخالد الشرهه على الناس الأدنين
ناسن معاهم ماذكر أنـي ترديـت
ووقفت معهم وقفتن تخلص الديـن
وقفت رجل ماهيب وقفت سرابيـت
ونصيتهم من شدة الغبـن والبيـن
ولو ادري أن ذا فعلهـم ماتعنيـت
أطيبهم اللي قال عطنـي نهاريـن
وقدام بابه ماعزمني علـى البيـت
وأنا أنتظر حتى تعـدي أسبوعيـن
وأدق رقمـه ميـر ماتقـل دقيـت
طبيعة رخوم ووضعـوف ورديـن
مافيهم اللي من دلالـه تقهويـت
وصديت صدة واحدن خاطره شين
عزّت علي نفسي ياخالد وصديـت
وماقسى من الونّه ومن دمعة العين
الا أن خابـت هقوتـك لاتهقويـت
وسلامتكم

الـــــــــشـــــــاعــــــــر الـــــــمــــــــبدع : مـــــــتــــعـــب بن غــــصــــاب